એક કડાઈમાં ૫ કપ પાણી ઉકાળવા મુકવાનું છે. પાણી ઉકળે એટલે તેમાં જીરૂં અને આદુ મરચાની પેસ્ટ ઉમેરવાની છે. તેને ઢાંકીને ૩ મિનિટ માટે ઉકળવા દેવાનું છે.

હવે તેમાં પલાળેલા કણકી ચોખા ઉમેરવાના છે. તેની સાથે મીઠું સ્વાદ અનુસાર અને કુકિંગ સોડા ઉમેરવાનો છે. બધું બરાબર રીતે મિક્સ કરી પાંચ મિનિટ માટે કુક થવા દેવાનું છે.

આ દરમિયાન થોડી કોથમીર ને મિક્સર ની જાર માં લઇ થોડું પાણી નાખી તેને ક્રશ કરી લેવાની છે.

આ પાણીને કણકી ચોખામાં ઉમેરી દેવાનું છે અને ત્યારે બે ચમચી સીંગતેલ પણ ઉમેરવાનું છે. હવે ફરી તેને ત્રણ મિનિટ માટે કુક થવા દેવાનું છે.

તો અહીયા કણકી કોથમીર ખીચુ એકદમ તૈયાર છે. તેના પર લાલ મરચું પાઉડર છાટીને સર્વ કરી શકાય.