સૌ પ્રથમ દૂધી ને ધોઈ ખમણી લો. હવે નોનસ્ટિક પેન માં ૧ ચમચી ઘી લઇ ગરમ કરી તેમાં ખમણેલી દૂધી સાંતળી લો.

દૂધી ને બરાબર ૫ થી ૭ મિનિટ સાંતળી લઇ તેમાં ૧/૨ લીટર દૂધ ઉમેરો. હવે ગેસ ફાસ્ટ જ રાખી દૂધ ને બળવા દો. હલાવતા રહેવું બરાબર જેથી હલવો ચોંટવા ના લાગે. (મલાઈ પણ ઉમેરી શકો છો.)

થોડું દૂધ બળે અને હલવો ઘટ્ટ થાય એટલે એમાં ચપટી ગ્રીન કલર ઉમેરો.

કલર ને બરાબર મિક્સ કરી દો. ત્યારબાદ તેમાં ૬ મોટી ચમચી ખાંડ ઉમેરો.

ત્યારબાદ બધું બરાબર હલાવી દો. ત્યારબાદ ઉપર ૧/૨ ચમચી ઈલાયચી અને જાયફળ પાઉડર ઉમેરી દો.

હવે બધું ફરીથી હલાવી દૂધ બધું બળી જવા દો. હલાવ્યા કરવું.

તો હવે દૂધી નો હલવો તૈયાર થઇ ગયો છે. ઉપર થી ૧ ચમચી ઘી નાખી અને જરૂર મુજબ ડ્રાયફ્રુટ નાખી તમે હલવો સર્વ કરી શકો છો.