મેથીની ભાજી માંથી પાન વીણીને સમારી લેવા. એક તપેલીમાં પાણી નાખી બરાબર ધોઈ લેવા જેથી બધી માટી નીકળી જાય.

કૂકરમાં બે પાવડા તેલ મૂકી લીલુ લસણ મૂકી ભાજી વઘારી લેવી. સ્વાદ મુજબ મીઠું, મરચું, હળદર અને થોડું પાણી ઉમેરી બરાબર મિક્ષ કરી લેવું. કુકર બંધ કરી ૨થી ૩ સીટી વાગવા દેવી.

ચણાનો લોટ અને ખાટી છાશ માં થોડું પાણી ઉમેરી બન્ને બરાબર મિક્સ કરવા તેમાં સ્વાદ મુજબ મીઠું, હળદર, મરચું, ધાણાજીરૂ ઉમેરી બરાબર હલાવી લેવું.

ચડી ગયેલી ભાજીમાં ચણાના લોટનું મિશ્રણ ઉમેરી ધીમા તાપે ચડવા દેવું. પાંચ મિનિટ પછી લોટ કઠણ થઈ જશે.લોટ ચડી ગયા પછી ગેસ બંધ કરી દેવો. ગરમાગરમ ભાજી નું લોટ વાળું શાક સાથે ગરમાગરમ રોટલી ડુંગળીનું સલાડ છાશ પાપડ ખાવા ની મજાજ કંઈક ઔર છે.