પાઉંભાજી બનાવવા માટે સૌ પ્રથમ બધા જ શાકભાજીની છાલ ઉતારીને તેને ધોઈ લેવા.તેને કૂકરમાં બાફી લેવા.બફાઈ ગયા બાદ તેને કાણાવાળા વાસણમાં કાઢીને પાણી નિતારી લેવું અને મેસ કરી લેવા.

આદુ,મરચા,લસણ વાટી લેવા ડુંગળીને સમારીને લેવી,ટામેટાની પ્યુરી કરી લેવી. તપેલામાં તેલ ગરમ મૂકી તેમાં ડુંગળી સાંતળી લો.ત્યાર બાદ તેમાં આદુ-મરચાની પેસ્ટ નાખો.ત્યારબાદ તેમાં ટામેટા ની પ્યુરી નાખી અને બધા જ મસાલા નાખવા.ત્યારબાદ તેમાં મેશ કરેલા શાકભાજી ઉમેરવા અને સ્મેશર ની મદદથી સ્મેશ કરવા,તેમાં લીંબુનો રસ ઉમેરવો ઉપરથી ધાણાભાજી નાખવી અને સરખી રીતે પકાવી લેવું.તો તૈયાર છે ભાજી.

પુલાવ બનાવવા માટે એક કડાઈમાં તેલ નાખો તેમાં જીરું નાખી તતડાવો તેમાં ડુંગળી નાંખો અને સાંતળો ત્યારબાદ તેમાં ગાજર ટામેટા અને વટાણા નાખીને સાંતળો તેમાં મસાલા કરો અને પાઉભાજી મસાલો નાખો અને ત્યારબાદ તેમાં રાંધેલા ભાત મિક્સ કરો તો તૈયાર છે સીઝલર માટે નો પુલાવ.

ચિપ્સ બનાવવા માટે બટાકા ની લાંબી ચિપ્સ કાપો અને તેને પાણીમાંથી નિતારી લઈને કોર્ન ફ્લોરમાં રગદોળો. અને ગરમ તેલમાં કર કરી તળી ને કાઢી લો.તૈયાર છે સીઝલર માટે ચિપ્સ.

પાઉં ને તવા પર શેકી લો. સિઝલેર પ્લેટ ને ગેસ પર મીડીયમ તાપ પર ૧૦ મિનિટ માટે ગરમ થવા દો. ત્યારબાદ તેને તેલથી ગ્રીસ કરી તેમાં કોબીજ ના પાન મૂકો.તેમાં એક સાઈડ પર ભાજી મૂકો,બીજી સાઈડ પર પુલાવ મૂકો અને વચમાં ચિપ્સ મૂકી ઉપરથી શેકેલા પાવ મૂકો અને ઉપરથી થોડું બટર ફરતે ઉમેરો અને ધાણા ભભરાવો.તો તૈયાર છે પાવભાજી સિઝલર.