સૌ પ્રથમ ચણા ની દાળ ને ૧ કલાક માટે પલાળવી. ત્યારબાદ દૂધી ની છાલ ઉતારી સમારવી તેમજ ટામેટું સમારવું. ત્યારબાદ કડાઈ માં તેલ ગરમ મૂકવું. તેલ ગરમ થઈ જાય ત્યારે તેમાં રાઇ તતડાવી. તેમાં જીરૂ પણ નાખવું. ત્યારબાદ તેમાં સૂકા લાલ મરચા અને ટામેટાં નાખવા.

ટામેટા થોડા ચડી જાય ત્યારે તેમાં દૂધી નાખો અને પાણીમાંથી કાઢેલી ચણાની દાળ નાખો.તેમાં મીઠું, હળદર,ધાણાજીરું,લાલ મરચું અને જરૂર મુજબ પાણી નાખો અને ગોળ નાખો અને બરાબર હલાવો. ઢાંકણ ઢાંકી ચડવા દો.ચડી ગયા બાદ એક બાઉલમાં કાઢી ઉપરથી ધાણા નાખી ગરમા ગરમ સર્વ કરો તો તૈયાર છે દુધી દાળ નું શાક.