સૌ પ્રથમ એક વાસણમાં તેલ મૂકો. તેલ ગરમ થઈ જાય પછી તેમાં કાંદા નાખો. તે થોડા ગુલાબી થઈ જાય તો તેમાં ઉપર જણાવેલ બધા મસાલા ઓ ઉમેરો.

બધા મસાલા ને એકદમ સારી રીતે હલાવીને મિક્સ કરી તેને ધીમે તાપે ૨ મિનિટ પાકવા દો. બધા મસાલા મળી જાય એકરસ થઈ જાય પછી તેમાં છાશ નાખો.

છાશ નાખ્યા બાદ થોડું ઉકળી જાય પછી તેમાં રોટલી ના ટુકડા કરી ને ઉમેરો. હવે બધું ઉપર નીચે બરાબર હલાવવુ અને ધીમે આંચે ૫-૭ મિનિટ પાકવા દો.

તેલ છુટ્ટું પડે અને છાશ ઓછી થઈ જાય, ઉપર તેલ આવી જાય એટલે સમજવું કે રોટલી નું શાક તૈયાર છે. ગરમાગરમ પીરસો. આ શાક આમ જ લુખ્ખુ ખવાય છે.