ચોખા સરસ રીતે ધોઈને પાંચ કલાક પહેલા પલાળવા. પછી નિતારી મિક્સરમાં પીસવા.(પીસવામાં એક કપ ચોખા ના પ્રમાણમાં ૩/૪ કપ પાણી જોશે) પછી ગરણી થી આ બેટરને ગાળવું. ત્યારબાદ તેમાં મીઠું, ક્રશ કરેલ જીરું-મરી-અજમો નાંખી મિક્સ કરવું. નાની ગોળ પ્લેટને તેલથી ગ્રીઝ કરી તેમાં એક ચમચો આ ચોખાનું બેટર નાખવું અને સ્પ્રેડ કરવું.

હવે ગેસ ઉપર medium flame સ્ટિમર ગરમ કરવા મૂકવું પછી તેમાં ચોખાનું બેટર રેડી કરેલ ત્રણ કે ચાર પ્લેટ ગોઠવી ને ઢાંકણ ઢાંકવું. માત્ર ૩૦ કે ૪૫ સેકન્ડમાં જ પાપડ રેડી થઈ જશે. તેને કાઢીને તરત ઠંડા પાણી ભરેલા બાઉલમાં નાખવા ને એક મિનિટમાં જ પાણીના બાઉલમાંથી પાપડ કાઢી અનમોલ્ડ કરવા અને પાતળા કપડા ઉપર સૂકવવા.

પાપડ સરસ રીતે સૂકાઈ જાય પછી ગમે ત્યારે ઇન્સ્ટન્ટ ભૂખ લાગી હોય તેવા કોઇપણ સમયે આ પાપડને તેલમાં તળીને નાના પીસ કરવા તેમાં ટામેટાં, મરચા, કેપ્સીકમ, બેલપેપર,બાફેલ કોર્ન, કોથમીર,મીઠું, મરચું, ચાટ મસાલો મિક્સ કરી મસાલા પાપડ બનાવી શકાય. બાળકોને નાસ્તામાં પણ આપી શકાય...