સૌ પ્રથમ એક ત્રાસ કે કથરોટમાં લોટ, મીઠું, તેલનું મોણ નાખી પાણી વડે લોટ બાંધી કણક તેયાર કરી લો. પછી તેમાંથી એક લુયો લઇ તેની રોટલો વણી લો.

પછી તેના પર તેલ લગાવી ને ચપટી લોટ છાંટીને તેની પલીટસ વાળો. આપણે સાડી પહેરીએ છીએ ત્યારે જેમ પાટલી વાળીએ છે તેમ વાળવી. આગળ પાછળ.

પલીટસ વાળીને તેનું ગોળ ચકરડુ વાળો. પછી તેને લોટમાં રગદોળી ને તેને રોટલી ની જેમ વણી લો.

વણાઈ ગયા પછી તેને તવા પર થોડું શેકી લો. બંને બાજુએ તેલ લગાવી ને ફરીથી શેકી લો.

તમે તેલ લગાવી ને ફ્રાય કરશો તો તેના પડ કે લેયર્સ ખુલવા લાગશે એ તમે જોઈ શકો છો ચિત્રમાં.

હવે આપણી પડવાળી રોટલી ખાવા માટે તૈયાર છે. તેને ગરમાગરમ પીરસો ચા, શાક કે દાળ સાથે.