સૌ પ્રથમ ઢોકળી બનાવવા માટે એક કડાઈમાં તેલ મૂકી તેમાં હીંગ નાખી પાણી નાખો. પછી તેમાં બધા મસાલા નાખી ઉકાળવું.

પાણી ઉકળે એટલે તેમાં ચણાનો લોટ નાખી મિક્સ કરો. પછી તેને બે મિનિટ રહેવા દો. પછી તેને એક પ્લેટમાં કાઢી લો.

પછી ઢોકળી ને ઠંડી થવા દો. ઠંડી કરી પછી તેના નાના ટુકડા કરવા.

શાક બનાવવા માટે એક કડાઈમાં તેલ મૂકી તેમાં રાઈ, જીરું, અને હીંગ નાખી લસણની પેસ્ટ નાખી સાંતળો.પછી તેમાં ટામેટાં ની પ્યુરી નાખો. પછી તેમાં બધા મસાલા નાખી મિક્સ કરો.

પછી તેમાં છાશ નાખી ૧૦ મીનીટ માટે તેલ છુટું પડે ત્યાં સુધી ઉકાળો.

પછી તેમાં ઢોકળી નાખી પાંચ મિનિટ રહેવા દો.પછી તેમાં ધાણા ભાજી નાખી મિક્સ કરો. તો તૈયાર છે કાઠીયાવાડી ઢોકળી નું શાક. તેને રોટલા,રોટલી, કે પરોઠા સાથે સર્વ કરી શકાય છે.