ઢોકળી બનાવવા માટે:
એક મોટા વાસણમાં પાણી ઉકાળવા માટે મૂકી તેમાં લાલ મરચું પાઉડર, હળદર, હિંગ અને મીઠું સ્વાદ અનુસાર ઉમેરી બરાબર રીતે મિક્સ કરી લેવાનું છે. ત્યારબાદ તેમાં ચણાનો લોટ ઉમેરી તેને પણ મસાલાવાળા પાણીના બરાબર રીતે મિક્સ કરી પાણી શોષાઈ જાય ત્યાં સુધી લોટ ને હલાવતા રહેવાનું છે. ત્યારબાદ એક થાળીમાં આ લોટ પાથરી દેવાનો છે.

લોટ થાળી માં એક સરખો પાથરી દઇ તેને ઠરવા દેવાનો છે ઠરી જાય એટલે એક છરી વડે તેમાં કાપા કરી દેવાના છે અને પછી તેને થાળી માંથી ઉખાડી લેવાના છે.

કરી બનાવવા માટે:
એક કડાઈમાં તેલ ગરમ મૂકી તેમાં રાઈ, જીરુ અને સૂકું લાલ મરચું ઉમેરી તેનો વઘાર કરવાનો છે.

વઘાર બરાબર થઈ જાય એટલે તેમાં છાશ ઉમેરવાની છે અને તરત જ તેમાં સ્વાદ અનુસાર મીઠું અને ઘઉંનો લોટ ઉમેરવાનો છે.

તૈયાર કરેલી ઢોકળીના ટુકડા ઉમેરી તેને બે ત્રણ મિનિટ માટે કુક થવા દેવાના છે.