સૌ પ્રથમ બીટ ને પાણી થી ધોઈ લો. ત્યાર બાદ બીટ ની છાલ કાઢી લો. પછી જીણું છીણ (ખમણી) લો.

જાડા તળિયા વાળુ લોયુ લો. લોયા માં ઘી ઉમેરી ગેસ પર ગરમ કરવા મુકો. ઘી ગરમ થાય એટલે તેમાં બીટ નું છીણ ઉમેરો. 2 મિનીટ સાંતલી લો.

પછી તેમાં દુધ ઉમેરો. પછી તેને ધીમા તાપે ચડવા દો. થોડી થોડી વાર હલાવતા રહો.

મિશ્રણ ચડી જાય એટલે તેમાં ખાંડ ઉમેરો. તમે ખાંડ તમારા ટેસ્ટ મુજબ ઉમેરી સકો છો.
પછી ઇલાયચી પાઉડર ઉમેરો. 5 મિનીટ ચડવા દો. પછી ગેસ બંધ કરી દો. મિશ્રણ ને એક થાળી ઠરવા મુકી દો. મિશ્રણ ઠંડુ થાય એટલે તેના નાના નાના લાડુ બનાવી લો. પછી તેને ટોપરા ના ખમણ માં રગડો. તો તૈયાર છે બીટ ના લાડુ