બાસમતી ચોખાને પહેલા સારી રીતે ધોઈ ૨૦ મિનીટ સુધી પાણીમાં પલાળો. એક કડાઈમાં પાણી ઊકળવા મૂકો. પાણી ઊકળવા લાગે એટલે તેમાં લીબું નો રસ, મીઠું અને પલાળેલા ચોખા ઉમેરો.

ચોખા સારી રીતે ચડાવો પણ એક એક દાણો અલગ રહેવો જોઈએ એ ધ્યાનમાં રાખો.

એક કડાઈમાં તેલ ગરમ કરો અને સમારેલી ડુંગળી નાખો અને અર્ધપારદર્શક થાય ત્યાં સુધી સાંતળો. તેમાં ખમળેલું આદુ,લીલા મરચા, ટામેટાં અને કેપ્સિકમ ઉમેરી સાંતળો.

હવે તેમાં પાવ ભાજી મસાલો, લાલ મરચું પાઉડર અને મીઠું નાખી સારી રીતે મિક્સ કરી મસાલામાંથી તેલ છૂટું ના પડવા લાગે ત્યાંસુધી ચડવા દો. હવે તેમાં બાફેલા શાક - વટાણા, બટાકા, કેચ-અપ અને લસણની ચટણી ઉમેરો.

હવે એક સ્મેશરની મદદથી બધું જ અધકચરૂ સ્મેશ કરી સારી રીતે મિક્સ કરી તેમાં રાંધેલા ભાત ઉમેરો ભાત ના દાણા તૂટે નહીં એમ હળવા હાથે બધા મસાલા સાથે ભેળવી ૫ મિનીટ પછી ગેસ બંધ કરી દો.

પુલાવ તૈયાર છે. ગરમ ગરમ પુલાવને પીરસો.