સૌ પ્રથમ કાચી કેરી ના ટુકડા કરી કુકર માં ૧ કપ પાણી ઉમેરી ૩ થી ૪ સીટી મારી બાફી લેવી.

હવે એક પેન માં સૂકા મસાલા માટે જીરું,મરી, વળીયારી ને ૧ મિનીટ માટે શેકો.પછી ઇલાયચી અને સંચળ પાઉડર નાખી ૧/૨ મિનીટ શેકી ઠંડું કરવા મૂકવું.

ઠંડું પડે એટલે મસાલો મિક્ષિ માં ગ્રાઇન્ડ કરી લેવો. બીજી બાજુ કુકર ખોલી ને એમાં જ્યારે ગરમ હોય ત્યારે જ તેમાં ગોળ ઉમેરી લેવો જેથી તે સરળતા થી એમાં ઓગળી જાય.

હવે મિક્સર જારમાં બાફેલી કેરી નું મિશ્રણ લઈ તેમાં ફૂદીનો, ધાણા, આદું, બરફ ના ટુકડા અને થોડું પાણી નાખી ગ્રાઇન્ડ કરી લેવું.

હવે આ મિશ્રણને 1 વીક જેવું ફ્રીઝ માં સ્ટોર કરી શકાય.. વધારે સમય માટે સ્ટોર કરવું હોય તો ખાંડ ની ચાસણી બનાવી આ પલ્પ ભેળવીને પેસ્ટ બનાવી લેવી. હવે આ મિશ્રણમાં મીઠું, ચાટ મસાલો ઉમેરી બરાબર મિક્સ કરી દો.

આ કેરી ના પલ્પ માંથી 4 થી 5 ટેબલ સ્પૂન પલ્પ ગ્લાસ માં બરફ ના ટુકડા લઈ ઉમેરવો. પછી ફુદીના ના પાન, કેરી ની ચીરી ઉમેરો.. પછી ઠંડું પાણી ઉમેરી બરાબર મિક્સ કરો. ઉપર થી કેસર ના તાંતણા, મસાલો નાખી, કેરી ની ચીરી થી ગાર્નિશ કરીને ઠંડું ઠંડું સર્વ કરવું.

તડકા માં બહાર ફરી ને ઘરે આવો ત્યારે ઠંડું ઠંડું આ આમ પન્ના પિવાથી લૂ લાગતી નથી.. ઇચ્છાનુસાર ગાર્નિશ કરીને સર્વ કરવું. ગ્લાસ ને લીંબુ લગાવી મરચું અને સંચળ પાઉડર ના મિશ્રણ માં બોડવાથી એક સરસ લાલ રીંગ બને છે જે દેખાવ માં ખૂબ સરસ લાગે છે.