સૌ પ્રથમ ટામેટાની પ્યુરી અને આદું-લસણની પેસ્ટ બનાવી લો. ત્યારબાદ, કડાઈમાં ઘી અને તેલ ગરમ કરી તેમાં સમારેલા ટોફુના કટકા નાખીને વારાફરતી બંને બાજુ થોડું બ્રાઉન થાય ત્યાં સુધી તેને સાંતળો.

હવે, એક કડાઈમાં તેલ ગરમ કરી તેમાં તજ, લવિંગ, મરી, ઈલાયચી અને સમારેલી ડુંગળી નાંખીને ૫ મીનીટ સુધી સાંતળો અને પછી તેમાં આદું-લસણની પેસ્ટ અને ટામેટાની પ્યુરી ઉમેરીને વધુ ૧૦ મિનીટ માટે તેને ચડવા દો.

ત્યારબાદ, તેમાં બેસન, હીંગ, હળદર, મરચું, ધાણાજીરૂ, ગરમમસાલો અને મીઠું ઉમેરી બધું જ સારી રીતે મિક્સ કરી લો અને તેમાંથી તેલ છુટું પડે ત્યાં સુધી ધીમા તાપે તેને સાંતળો.

હવે, તેમાં ૧.૫ ગ્લાસ ગરમ પાણી ઉમેરીને હલાવો અને તે ઊકળે એટલે તેમાં વટાણા ઉમેરી તેના પર ઢાંકણ ઢાંકીને ૧૦ મિનીટ સુધી ફરી ચડવા દો.

ત્યારબાદ, તળેલા ટોફુના ટુકડાં, કસુરી મેથી, અને કોથમીર ઉમેરી મિક્સ કરી વધુ ૫ મિનીટ માટે ચડવા દો.

તો તૈયાર છે મટર ટોફુ. ગરમા ગરમ રોટી કે નાન સાથે સર્વ કરો.