એક બાઉલમાં બેસનને ચાળી લેવો પછી તેમાં અધકચરા ક્રશ કરેલા મકાઇ દાણા, આદુ મરચાં લસણ પેસ્ટ, ઝીણી સમારેલી ડુંગળી, મરીનો ભૂકો,લાલ મરચું,મીઠું, ચાટ મસાલો, સમારેલ લીમડો, હિંગ, કોથમીર ઉમેરી બધું બરાબર મિક્સ કરી લો. પછી તેમાં જરૂર મુજબ પાણી ઉમેરી પકોડા નુ બેટર તૈયાર કરી લો.

હવે ગેસ ઉપર કડાઈમાં તેલ ગરમ કરવા મૂકો. તેલ બરાબર ગરમ થઈ જાય પછી ગેસની આંચ ધીમી કરી પકોડાં ના આ મિશ્રણમાંથી હાથેથી થોડું થોડું લઈ ભજીયાની જેમ તેલમાં મુકતા જાવ. બધા પકોડા તેલમાં નખાય જાય તરત ગેસની આંચ high કરી દો. પછી પકોડા ની સાઇડ ફેરવીને મધ્યમ આંચ કરીને ક્રિસ્પી અને દરેક બાજુએથી ગોલ્ડન બ્રાઉન કલરના થાય ત્યાં સુધી તળી લો. પકોડા તળાય જાય પછી ઝારા વડે તેલ માંથી કાઢી પેપર નેપકિન પર નીતારી લો જેથી વધારાનું તેલ ના રહે.

તૈયાર થયેલા ગરમાગરમ ઓનિયન પકોડા સર્વિંગ પ્લેટમાં લઈ તેની ઉપર થોડો ચાટ મસાલો છાંટી સોસ કે ચટણી સાથે પકોડા નો મજેદાર સ્વાદ આનંદ થી માણો...