સૌપ્રથમ એક બાઉલમાં બાજરી નો લોટ, ઘઉંનો લોટ અને જુવાર નો લોટ લઈ મિક્સ કરી તેમાં લાલ મરચું પાઉડર, હળદર, ધાણા જીરું પાઉડર, ગરમ મસાલો, અજમો,ખાંડ અને મીઠું નાખી સારી રીતે મિક્સ કરવું.

ત્યારબાદ તેમાં લસણની પેસ્ટ, લીલા મરચાં ની પેસ્ટ, આદુની પેસ્ટ, સમારેલી મેથી ની ભાજી અને સમારેલી કોથમીર ઉમેરી તેલ નું મોણ નાખી મિક્સ કરવું.હવે તેમાં દહીં અને તલ નાંખી મિક્સ કરી ચપટી ખાવા નો સોડા અને થોડું થોડું પાણી ઉમેરતા જઈ મીડીયમ લોટ તૈયાર કરવું.

ત્યારબાદ તૈયાર કરેલા લોટ ને તેલ મુકી બરાબર મસળી કેળવી લેવું.હવે લોટ ને ઢાંકી ને દસ મિનિટ રેસ્ટ આપવું. હવે લોટ માંથી લુઆ કરી હથેળી પર તેલ લગાવી બંને હથેળી ની મદદથી લુઆ ને દબાવી લેવું. ટીકકી જેવો આકાર આપવુ.

હવે ગેસ ની ફલેમ મીડીયમ રાખી તેલ ગરમ કરવા મુકવું. તેલ ગરમ થાય એટલે તેમાં વડા ને ગુલાબી અને કિસ્પી થાય ત્યા સુધી તળી લેવું.ગરમ ગરમ સર્વ કરવું.આ વડા ખુબ જ સ્વાદિષ્ટ લાગે છે.