સૌપ્રથમ મગ અને મઠ ધોઈને પાંચથી છ કલાક પલાળી રાખો. પછી એક કૂકરમાં તેલ લઈ ગરમ થાય એટલે જીરાનો વઘાર કરી હીન્ગ, સમારેલ મરચા,હળદર નાખી મગ મઠ નાખી હલાવી લો. સ્વાદ અનુસાર મીઠું નાખી ડૂબે એટલું પાણી નાખી બે સીટી વગાડી લો.

હવે પૌવા બનાવવા કડાઈમાં તેલ નાંખી ગરમ થાય એટલે રાઈ જીરાનો વઘાર કરી હિંગ નાખો લીલા મરચાં તેમજ ડુંગળી નાખી સ્વાદ અનુસાર મીઠું નાખી હલાવી લો ડુંગળી ગુલાબી રંગની થાય પછી તેમાં હળદર મરચું ધાણાજીરું પાઉડર નાખી મિક્સ કરી થોડી સેકન્ડો બાદ પૌવા નાખી દો અને બરાબર મિક્સ કરો જરૂર મુજબ લીંબુનો રસ નાખી બરાબર મિક્સ કરી બે મિનિટ બાદ લીલા ધાણા નાખી બરાબર મિક્સ કરી ઉતારી લો

હવે સર્વિંગ માટેની બધી જ સામગ્રી તૈયાર કરી લો એક પ્લેટમાં સૌપ્રથમ વઘારેલા મગ મઠ નાખી તેની ઉપર પૌવા નાખો ત્યારબાદ ખજુર આંબલી ની મીઠી ચટણી અને લીલી ચટણી નાખો.

પછી દહીં નાખી ડુંગળી તેમજ લીલા ધાણા નાખો ઉપર ચવાણું અથવા સેવ નાખો અને સર્વ કરો.

તો તૈયાર છે સ્વાદિષ્ટ અને હેલ્ધી પુના મિસળ.