સૌપ્રથમ એક કૂકરમાં તેલ મૂકો તેલ ગરમ થાય એટલે તેમાં જીરૂં તતડાવી તેમાં હિંગ, હળદર અને લીલા મરચાં નાખી સાંતળી લો. હવે તેમાં ફણગાવેલા મગ ઉમેરી સ્વાદ પ્રમાણે મીઠું, મરચું અને પા ગ્લાસ પાણી ઉમેરી બે સીટી બોલાવી મગ તૈયાર કરી લો. મગમાં પાણી લાગે તો તેનું પાણી બાળી કોરા કરી લો.

હવે કાણાવાળા વાડકામાં પૌવા લી અ તેને પલાળી પાણી કાઢી દસ મિનિટ સુધી રહેવા દો. એક કડાઈમાં તેલ ગરમ કરવા મૂકો તેલ ગરમ થાય એટલે તેમાં રાઈ-જીરું લીમડાના પાન લીલા મરચાં હળદર અને ડુંગળી ઉમેરી બેથી પાંચ મિનિટ સુધી સાંતળી લો. હવે તેમાં પૌઆ ઉમેરી સ્વાદ પ્રમાણે મીઠું અને લીંબુ ઉમેરીને બરાબર મિક્ષ કરી લો. ઉપર કોથમીર ભભરાવી લો.

હવે એક સર્વિંગ પ્લેટમાં ફણગાવેલા મગ, પૌઆ લો. તેની ઉપર ગળી ચટણી, લીલી ચટણી, દહીં ડુંગળી કોથમીર અને સેવ નાખી ગાર્નીશ કરી સર્વ કરો. તૈયાર છે પુના મિસળ