સૌપ્રથમ વધેલા ભાત ને મિક્ષચર જાર માં કાઢી લો અને થોડું પાણી ઉમેરી ને નરમ પેસ્ટ બનાવી લો ને એક બાઉલમાં કાઢી લો.

પછી તેમાં અધકચરા વાટેલા આખાં ધાણા,તલ અને આખા મરી ને અધકચરા વાટી ને ઉમેરો,સ્વાદ મુજબ મીઠું,ચપટી હળદર,આમચૂર પાઉડર,કાશ્મીરી લાલ મરચું,ચપટી હીંગ, ખાંડ,તેલ ને દહીં ઉમેરી ને બધું જ સરસ ભેળવી લો.

હવે,તે બાઉલમાં ચણાનો લોટ ઉમેરી ને સરસ ભેળવી લો(૨ -૨ ચમચી ઉમેરી ને ભેળવતા જવું).

બંન્ને હાથ ની હથેળીમાં તેલ લગાવીને તૈયાર કરેલ લોટ ને મસળી ને આદણી પર હાથ થી સહેજ જાડી ને લાંબી ફુલવડી ને વણી ને કાપી લો.

હવે,કઢાઈ માં તળવા માટે તેલ ગરમ કરો ને પછી કાપી ને રાખેલ બધી ફુલવડી ને સરસ તળી લો.

આ તૈયાર થયેલ 'ભાત ની ફુલવડી' ને ચ્હા સાથે આરોગો.

આમ, રાંધેલ અને વધેલાં ભાત મા મસાલો ઉમેરી ને વઘારી ને ખાઈ શકાય, કે તેના મુઠીયા, થેપલા, ભજીયા બનાવી શકાય પણ મેં ફુલવડી બનાવી બહું જ સરસ કડક ને સ્વાદિષ્ટ બની.