મિક્સર જાર માં ધાણા અને કાળા મરી નાખો. તેને અધકચરા ગ્રાઇન્ડ કરો.
એક બાઉલમાં દહીં, મીઠું, લાલ મરચું પાઉડર, તલ, વરિયાળી, ખાંડ, એક ચપટી લીંબુ ના ફૂલ, ગ્રાઇન્ડ કરેલા ધાણા અને કાળા મરી અને તેલ નાંખો. ખાંડ ઓગળી જાય ત્યાં સુધી સારી રીતે ભેળવી દો.

એક બાઉલમાં કર્કરો ચણા નો લોટ અને નિયમિત ચણાનો લોટ ઉમેરો.મેથી ઉમેરો સારી રીતે મિક્સ કરો અને કણક ભેળવી દો.
હવે ૪૦ મિનિટ માટે ઢાંકીને મુકી રાખો.
બાઉલમાં, બેકિંગ સોડા(ખાવાનો સોડા) અને પાણી મિક્સ કરો. કણકમાં સોડા ઉમેરો અને બરાબર મિક્સ કરો.
ત્યારબાદ લોટના મિશ્રણમાં થોડુ થોડું પાણી ઉમેરી કોમળ કણક તૈયાર કરી દો.

તેલ ગરમ કરો અને ફુલવડી ઝારા નો ઉપયોગ કરીને ફુલવડી બનાવવાનું શરૂ કરો.
તેલ સાથે ઝારા ની જાળીને ગ્રીસ કરો.
થોડી માત્રામાં ફુલવડી ની કણક લો અને તેને ફુલવડી જાળી પર નાખો. પછી એક હાથે ઝારો પકડો અને બીજા હાથે ફૂલવડી બનાવો

તમે ફુલવાડી કણક મોટા છિદ્રોમાંથી પસાર થતા અને ગરમ તેલમાં જતાં જોઈ શકસો.
જ્યારે જલદી ફુલવડી તેલ પર તરતી દેખાય એટલે ગેસ ને થોડું ધીમું કરો અને સરસ, ક્રિસ્પી બ્રાઉન થાય ત્યાં સુધી ફુલવડીને ફ્રાય કરો.

જો તમારી પાસે ફુલવડી ઝારો નથી, તો તમે તેલથી પ્લાસ્ટિકની થેલીને ગ્રીસ કરો. ત્યારબાદ ફુલવડી કણક કોથળી માં નાંખો અને પ્લાસ્ટિકની થેલીમાંથી શંકુ બનાવો.
શંકુનો આગળનો ભાગ કાપીને શંકુની મદદથી ફુલવાડી બનાવો અને ઓછા ગેસ તાપે શેકી લો.
તમને ગમે તે રીતે આકાર આપી શકો..નાના મુઠીયા કે મૂઠડી નો આકાર આપી શકો,
તમે તમારા હાથથી પણ ફુલવાડી બનાવી શકો છો. હાથમા ફૂલવડી ની કણક લઈને તેને બન્ને હાથની મદદથી પાતળી સ્ટ્રીપ કરી લો

માત્ર ફરસાણ તરીકે ઉપયોગ માં ના લેતા હું ફૂલવડી ઉંધીયામાં પણ ઉમેરું છે અથવા રીંગણ,તુરીયા,ટામેટાં,ભાજી વિગીરેમાં ઉમેરી ચટપટું શાક પણ તૈયાર કરું,, ચેવડામાં પણ ઉમેરું અને છેલ્લે ભૂકો વધે તો તે ભૂકો ભરેલા શાકમાં ઉમેરી સ્વાદિષ્ટ શાક માં પણ ઉમેરું

તો તૈયાર છે તમારી ફરસાણ ની દુકાન માં મળે એવી ચટપટી ફૂલવડી.