સૌપ્રથમ રીંગણને ધોઈ તેના પર તેલ લગાડીને ગેસ પર શેકી લેવા. પછી તેની છાલ ઉતારી લેવી.

બીજા ઉપર ના ઘટકો ની બધી તૈયાર કરી લેવી.

હવે કડાઈમાં તેલ ગરમ કરી તેમાં હિંગ થી વઘાર કરી તેમાં આદું લીલાં મરચાં અને લસણની ચટણી ઉમેરી સાંતળવી. પછી તેમાં લીલા કાંદા ઉમેરી સાંતળવા. થોડીવાર પછી તેમાં ટામેટાં અને મીઠું ઉમેરીને ટામેટા સોફ્ટ થાય ત્યાં સુધી સાંતળવા.

પછી તેમાં હળદર લાલ મરચું પાઉડર અને ધાણા જીરુ ઉમેરીને બરાબર મિક્સ કરવું. પછી તેમાં લીલું લસણ અને કોથમીર ઉમેરીને બરાબર મિક્ષ કરી લો. ત્યાર પછી તેમાં શેકેલા રીંગણ ઉમેરીને બરાબર મિક્સ કરી લેવું.

પછી તેને દસ મિનિટ માટે ધીમા ગેસ ઉપર ચડવા દેવું. છેલ્લે તેમાં લીંબુનો રસ ઉમેરીને ગેસ બંધ કરી લેવો. પછી તેને સર્વિંગ બાઉલમાં લઈ ઉપર થી લીલુ લસણ થી ગાર્નીશ કરવું.