ઓળો ના રીંગણ ને શેકવા માટે:

સૌ પ્રથમ રીંગણ ને પાણી થી ધોઈ ને લુછી લો હવે રીંગણ ને તેલ લગાવી લો અને ગેસ ઉપર શેકવા મુકો કે પછી ઓવન માં બેક કરી લો અથવા રીંગણ ને ધીમે ધીમે ફેરવતા ગેસ ઉપર સારી રીતે શેકી લો હવે શેકેલા રીંગણ માંથી સરસ સુગંધ આવવા લાગશે પછી હવે રીંગણને ઠંડુ થવા મુકો ઠંડા થયા પછી રીંગણ ની ઉપર ની છાલ છોલી કાઢી લો હવે છોલેલા રીંગણ ને એક પ્લેટ માં કાઢી નાના ટુકડા કરી લો.

રીંગણ નો ઓળો બનાવવા માટેની રીત :

એક વાસણ માં કે માટી ની કઢાઈ માં તેલ ગરમ કરો અને તેલ માં જીરું,અને હિંગ નાખો પછી તેમાં સમારેલી ડુંગળી, આદું મરચા અને લસણ ની પેસ્ટ તેલ માં નાખી સાંતળો પછી ડુંગળી માં ટામેટા ઉમેરી તેમાં થોડું મીઠું નાખો હવે ત્યાં સુધી પકાવો કે સરસ પેસ્ટ જેવું બની જાય. તેમાં લાલ મરચું હળદળ, ધણાજીરું અને ગરમ મસાલા નાખી મિક્ષ કરો

હવે તેમાં શેકેલા રીંગણ ને નાખી બધુ મિક્સ કરી ને તેમાં લીલી ડુંગળી નાંખો શેકેલા રીંગણ પેસ્ટ માં મિક્સ કરી લો અને ચડવાદો થોડી વાર પછી રીંગણ નો ઓળો તૈયાર થઈ જાય પછી ઉપર થી કોથમીર નાખી હલાવી નાખો.

બાજરીના રોટલા બનાવવા માટે:

હવે એક વાસણ માં બાજરીનો લોટ લો અને લોટ માં સ્વાદ પ્રમાણે મીઠું નાખી જરૂર પ્રમાણે પાણી નાખી રોટલા નો લોટ બાંધતા જાવ અને
ગેસ પર માટી ની તાવડી મૂકી બાજરીના રોટલા ને હાથ થી ટીપી ને માટી ની તાવડી માં મૂકો અને બંને બાજુ શેકી લો ને ગેસ બંધ કરી દો. બનાવેલા બાજરીના રોટલા ને ડીશ માં કાઢી લો