સૌ પ્રથમ તુવેરના દાણા,લીલા મરચા તથા કોથમીર ને ક્રશ કરી લો. પછી તેમાં મસાલા ઉમેરો. વઢવાણી મરચા માં ઉભો કાપો કરી વચ્ચેથી બી કાઢી લો. કાચા કેળા છોલી તેનો પણ ઉભો કાપો કરી તેના બે ત્રણ થી ચાર ટુકડા કરો. રવૈયા ને પણ કાપો કરી લો અને કાકડીને પણ કાપો કરી, હવે બધા શાકમાં તૈયાર કરેલો લીલો મસાલો ભરી દો.

મેથીની ભાજી ધોઈને નિતારી લો તે કોરી પડી જાય એટલે તેમાં બનેલું અને બધા મસાલા ઉમેરી તેમાંથી મુઠીયા વાળી લો.

એ કુકરમાં તેલ ગરમ મૂકી તેમાં અજમો ઉમેરો. પછી તેમાં હિંગ ઉમેરી ભરેલા શાક ઉમેરી બે કપ પાણી ઉમેરો પાણી ઉકળવા લાગે એટલે તૈયાર કરેલા મેથીના મુઠીયા ઉમેરી બાકીનો વધેલો લીલો મસાલો ઉમેરી બે વ્હીસલ થી પ્રેશરકુક કરી લો.

કૂકર ઠંડું પડે એટલે તૈયાર લીલા ઊંધિયા ને સર્વિંગ ડીશમાં માં લઇ ઉપરથી ઝીણી સમારેલી કોથમીર ભભરાવીને સર્વ કરો. તૈયાર છે એકદમ ઓછા તેલમાં અને ફટાફટ તૈયાર થઈ જતું શિયાળાની સ્પેશ્યલ વાનગી એવું ગ્રીન ઉંધીયુ સર્વ કરવા માટે.