સૌપ્રથમ ઘઉં,ચોખા અને ચણાના લોટમાં 2 ટેબલ સ્પૂન તેલ નાખી મિક્સ કરી લો. હવે તેમાં હળદર, હીંગ, મીઠું, અજમો,ધાણાજીરું, ખાંડ નાખી ફરી મિક્સ કરો. ત્યારબાદ તેમાં છીણેલું આદુ, બારીક કટકા કરેલ મરચાં, છીણેલી દૂધી નાખી બરાબર મિક્સ કરી લો.

હવે દહીં નાખી અને ઢીલો લોટ તૈયાર કરો. જરૂર પડે તો પાણી પણ નાંખો. હવે ગેસ ઉપર એક તપેલામાં અથવા ઢોકળીયામાં કાણાવાળી ડીશ તેલ લગાવી અને મુકો. તેમાં તેલ વાળા હાથ કરી મુઠીયા મૂકો. 20 મિનિટ સુધી તેને વરાળે બફાવા દો.

ત્યારબાદ મુઠીયા ઠંડા પડે એટલે તેના પીસ પાડો. એક પેનમાં વઘાર માટે તેલ મૂકો. તેલ ગરમ થાય એટલે તેમાં રાઈ મીઠી લીમડી તલ તથા બારી કટ કરે લીલું લસણ નાખો. લસણ સરસ સંતળાઈ જાય એટલે તેમાં મુઠીયા એડ કરો, મિક્સ કરો બે થી ત્રણ મિનિટ માટે ધીમા ગેસે શેકો. ત્યારબાદ તેની ઉપર લાલ મરચા પાઉડર sprinkle કરી દો.