સૌપ્રથમ ચણાની દાળને ધોઈ અને ચાર કલાક માટે પલાળી રાખવી. ત્યારબાદ ચણાની દાળમાંથી પાણી નિતારી લઈ અને મિક્સરમાં નાખી તેમાં મરચા આદુ નાખી અને કકરું પીસી લેવું.

હવે આ ખીરામાં મીઠું નાખી મિક્સ કરી લો.હવે એક ઢોકળીયામાં પાણી ગરમ કરવા મૂકો. એક થાળીમાં તેલ લગાવી અને આ ખીરાને સ્પ્રેડ કરી દો અને ઢોકળાની જેમ બાફી લો. ઠંડું પડે એટલે એના ટુકડા કરી અને છીણી લેવા. એક પેનમાં તેલ ગરમ કરવા મુકો.તેલ ગરમ થાય એટલે લસણની પેસ્ટ સાંતળી લેવી. રાઈ,તલ,મીઠી લીમડીનો વઘાર આપો. વઘાર તૈયાર થાય એટલે તેમાં ચપટી હળદર, હિંગ અને ૧/૪ કપ પાણી નાખી ઉકાળવા દો.

પાણી ઉકળે એટલે તેમાં ખમણી એડ કરો હવે તેમાં લીંબુનો રસ,ખાંડ, ગરમ મસાલો નાખી મિક્સ કરો અને ધીમી આંચ પર ૫ મિનિટ સુધી શેકો. હવે તેમાં કાજુ ના ટુકડા, કિસમિસ અને લીલા ધાણા નાંખી ફરીથી મિક્સ કરી લો અને ગેસ ઓફ કરી દેવો. સેવ,ગ્રીન ચટણી તથા લીલા મરચા સાથે સર્વ કરો.