સૌપ્રથમ એક બાઉલમાં ચણાનો લોટ અને ચોખા નો લોટ લઈ મીક્સ કરો.હવે તેમાં હળદર, હિંગ, લાલ મરચાં પાઉડર, ગોળ, ગરમ મસાલો, મીઠું, આદુ -લસણ- મરચાની પેસ્ટ નાખો.ત્યારબાદ તેમાં અજમો, વરીયાળી પાઉડર, લીંબુ નો રસ નાખી બધું સરસ મીક્સ કરો.પાણી નાખી ઘટ્ટ ખીરું તૈયાર કરો.હવે ખીરામાં કુકીંગ સોડા નાખી ફરીથી મિક્સ કરી લો.

પાલકના પાન ધોઈને કોરા કરી લેવા.આ પાન ખીરામાં નાખતા જાઓ અને મીક્સ કરો.ખીરામાં સમાય એટલા નાખી અને મીક્સ કરો.હવે એક મોટી તપેલી અથવા સ્ટીમર માં ૩ ગ્લાસ પાણી ઉકાળો.એક મિડીયમ સાઈઝની થાળીને ચારેબાજુ તેલ લગાવી દો.તેમાં આ ખીરુ પાથરી દો.ઉકળતા પાણીમાં ઉંધી ચાળણી ઉપર આ થાળી મુકી દેવી.ઉપર મોટી થાળી ઢાંકી દો.૧૨-૧૫ મિનિટ સુધી ગેસ ફાસ્ટ રાખી ઓફ કરી દેવો.થાળી ઠંડી પડે એટલે તેના પીસ પાડી લેવા.

હવે એક પેનમાં તેલ ગરમ કરો.તેમાં રાઈ, તલ, મીઠી લીમડી, સુકું લાલ મરચું નાખી પાત્રા વઘારો.ધીમા તાપે ક્રીસ્પી કરો.તૈયાર છે પાલક પાત્રા!!