સૌપ્રથમ ડુંગળી ને છોલી લેવું. હવે ડુંગળી ને ધોઈ વચ્ચે કાપા પાડી લેવા. એક કઢાઈ માં તેલ ગરમ કરી ગેસ ની ફલેમ ધીમી રાખી તેમાં ડુંગળી નાંખી ગુલાબી થાય ત્યા સુધી થવા દેવું. ડુંગળી ગુલાબી થાય એટલે તેને તેલમાંથી બહાર કાઢી લેવું.

ત્યારબાદ પેનમાં તેલ મુકી તેમાં મરચાં, જીરું અને હીંગ ઉમેરી કાંદા ની પેસ્ટ ઉમેરી સાંતડી લેવું.હવે તેમાં આદુ ની પેસ્ટ, લસણની પેસ્ટ, મરચાં ની પેસ્ટ ઉમેરી મિક્સ કરી ટામેટા ની પયુરી ઉમેરી મિક્સ કરી તેલ છૂટું પડે ત્યા સુધી થવા દેવું.

ત્યારબાદ તેમાં બધા મસાલા ઉમેરી મિક્સ કરી બે ચમચી પાણી ઉમેરી મિક્સ કરી તેમાં શીંગદાણા નો ભૂકો અને ગાંઠિયા નો ભૂકો ઉમેરી મિક્સ કરવું. હવે તેમાં થોડું પાણી ઉમેરી થોડી વાર થવા દો.

ત્યારબાદ તેમાં ડુંગળી ઉમેરી બરાબર મિક્સ કરી ઢાંકણ ઢાંકી બે થી ત્રણ મિનિટ સુધી થવા દેવું. હવે તેમાં કસુરી મેથી અને લીલા ધાણા ઉમેરી બાજરી ના રોટલા, રોટલી, ભાખરી સાથે સવ કરવું.