સૌ પ્રથમ ટોટીયા માટે લોટ બાંધવા મેંદો લઈ તેલનું મોણ પાડી મીઠું, મરી ઉમેરી દૂધ અને પાણી થી સોફ્ટ લોટ બાંધી 30 મિનિટ ઢાંકી ને રહેવા દેવું. પછી નાના લૂવા કરી પાતળી રોટલી વણી નોનસ્ટિક તવી પર અધકચરી સેકી લો અને પછી કોટન કપડામાં ઢાંકી દો.

હવે બધા વેજીટેબલ ઝીણા સમારી લો. પનીર પણ ભૂકો કરી દો. હવે એક કઢાઈમાં બટર ગરમ કરી એમાં લસણ ઉમેરી સાતડો.પછી એમાં કાંદા, લીલા આદુ મરચાની પેસ્ટ ઉમેરી 1 મિનિટ થવા દો પછી એમાં બીજા વેજીટેબલ અને મકાઈ દાણા પણ ઉમેરી દો પછી 1 મિનિટ થવા દો અને પનીર પણ મિક્સ કરી લો.

હવે બધું મિક્સ કરી મસાલા ઉમેરી લીલા ધાણા નાખી ઠંડુ પડવા દો. હવે એક બાઉલ માં મેયોનીઝ અને સેઝવાન ચટણી લઈ મિક્સ કરો. હવે એક રોટલી પર મેયોનીઝ વાળું મિશ્રણ લગાવી દો. રોટલી ની એક ભાગ પર થોડું ચીઝ ભભરાવી ઉપર વેજીટેબલ વાળું મિશ્રણ મૂકો ફરીથી ચીઝ મૂકી રોટરી વાળી લો.

હવે એક તવી પર ધીમા તાપે તેલ લગાવી કેસેડીયા ગુલાબી એવાં સેકી લો આ રીતે બધા કેસાડીયા સેકી લો પછી વચ્ચેથી કાપી ડીપ સાથે સર્વ કરો.