ઘઉં ના લોટ માં મીઠું અને ૧ ચમચી ઘી નાખી પરાઠા જેવો લોટ બાંધી ૧૦ મિનિટ ઢાંકીને સાઈડ પર રાખો તે દરમ્યાન પલાળીને ધોઈને રાખેલી ચણાની દાળ માં આદું-મરચાં ના ટુકડા, ડુંગળી ના કટકા નાખી મિક્સરમાં પીસી લો,

મિશ્રણ બાઉલમાં કાઢી તેમાં હળદર, હીંગ, મરચું, ગરમ મસાલો, ચાટ મસાલો, ચીલી ફ્લેક્સ, શેકેલ જીરાનો ભૂક્કો, મરીનો ભૂક્કો, મીઠું નાખી મિક્સ કરો. ત્યારબાદ લોટમાંથી એકસરખા લુઆ કરી હાથથી થેપી ગોળ પૂરી જેવો શેઈપ આપી તેમાં એક બાજુ તૈયાર કરેલ મિશ્રણ ભરો પછી બીજી સાઈડ થી વાળી દો.

એક કડાઈમાં થોડું પાણી ગરમ કરો, ગરમ થાય એટલે બધા મોમોઝ બાફી લો,બફાય જાય એટલે બરાબર વચ્ચે થી કટ કરી બે ભાગ કરો,હવે એક કડાઈમાં તેલ લઈ ગરમ થાય એટલે રાઈ, ડુંગળી, તલ કોથમીર નાખી સાંતળો, સંતળાય એટલે તેમાં મોમોઝ નાખી હલાવી ૩-૪ મિનિટ પછી ઉતારી લો.