સૌ પ્રથમ બધા લોટ ભેગાં કરીને રોટલી જેવો જ લોટ બાંધવો. સહેજ પણ મોણ નથી નાખવાનું, લોટ બંધાઈ જાય પછી ૧ ટેબલસ્પૂન તેલ લઈને થોડો મસળી લેવો. પછી તેને ઢાંકીને ૧૫ મિનિટ રહેવા દેવું. પછી તે લોટમાંથી રોટલીઓ વણી ને શેકી લેવી.બટાકાને બાફીને તેનો માવો બનાવી લેવો. તેમાં વાટેલા લીલાં મરચાં-આદુંલસણ,મીઠું,ખાંડ,હળદર, ગરમ મસાલો, તજ-લવીંગનો પાવડર, લીંબુના ફુલ, પલાળેલા પૌંઆ બધું નાખીને બરાબર હલાવીને તેમાંથી લાંબી ટિક્કી બનાવીને તેને રવામાં રગદોળી ને તેને શેકી લેવી.

હવે શેકેલી રોટલી લઈ તેનાં ઉપર સેઝવાન સોસ લગાડવો, પછી શેકેલી ટિક્કી મૂકી તેનાં પર સમારેલી કોબીચ અને ડુંગળી મુકવી, તેનાં ઉપર ચીલી ફ્લેક્સ, ઓરેગાનો, અને છીણેલું ચીઝ પાથરવું.

પછી રોટલીનો રોલ કરીને તેને બટરમાં શેકી લેવી.
પછી તૈયાર ફ્રેન્કી નાં વચ્ચેથી બે ટુકડા કરીને તેનાં ઉપર થોડી સમારેલી કોબીચ-ડુંગળી, ઝીણી સેવ, તીખી બુંદી, દહીં, તીખી-ગળી ચટણી રેડી ને ચીઝ છીણી ને સર્વ કરવું.