સૌપ્રથમ સીંગદાણાને બરોબર શેકી લો

શેકાઈને ઠંડા થઈ જાય એટલે થોડા ઘણા ફોતરા ઉતારી લો. હવે સીંગદાણાને મિક્સરમાં ગ્રાઇન્ડ કરી લો.

હવે ગેસ પર એક પેનમાં એક ચમચી ઘી ઉમેરો. હવે તેમાં સુધારેલો ગોળ ઉમેરો. ગોળ બારીક સુધારેલો હોવો જોઈએ. પા કપ પાણી ઉમેરો.

જ્યાં સુધી ગોળ એકરસ ન થાય ત્યાં સુધી તાવેથા વડે હલાવો. હવે પેનને ગેસ પરથી ઉતારી લો. તેમાં ક્રશ કરેલ સિંગદાણાનો ભૂકો ઉમેરો અને બરોબર ગોળ અને સીંગદાણાના ભૂકાને મિક્સ કરો.

હવે થાળીમાં ઘી લગાડી આ મિશ્રણને પાથરો. વાટકા ની મદદ થી મિશ્રણને થાળીમાં એક સરખું પાથરો. હવે ચપ્પુ ની મદદ વડે પીસ કરો. તો તૈયાર છે શીંગ પાક. ફરાળી સ્વીટ તરીકે પણ ઉપયોગમાં લેવાય છે. સ્વાસ્થ્યની દ્રષ્ટિએ પણ ખૂબ જ પૌષ્ટિક છે.