સૌપ્રથમ ચણાના લોટમાં એક ચમચો ઘીનું મોણ નાખીને તેનું બુંદી બને તેવું પાણી નાખી ખીરું બનાવી લો.
હવે એક કઢાઈમાં ઘી ગરમ કરવા મુકો. હવે એક ઝારો લો, તેમાં ધીરે ધીરે ખીરું નાખીને બુંદી પાડો. બુંદી તળાઈને ઉપર આવે કે તેને સારી રીતે ઘી નીતારીને કાઢી લો.નાની બુંદી પાડવી હોય તો નાના કાણાંનો જારો લેવો.

ખાંડની ચાસણી બનાવી તેમાં કેસર નાખીને મૂકી રાખો.
ચાસણી ખાંડ ઓગળે અને ચીકાશપડતી થાય એવી જ બનાવવાની છે (ગુલાબજાંબુ જેવી)

હવે આ બુંદીને ચાસણીમાં નાખો. થોડો સમય રાખી મુકો. બુંદીમાં ચાસણી સારી રીતે મિક્સ થયા પછી તેમાં સુકામેવાના ટુકડા નાખીને મિક્સ કરો. હવે આ મિશ્રણના નાનાં-નાનાં લાડું બનાવી લો. કાજુ થી સજાવી બાપ્પાને ભોગ ધરો અને ભક્તોને પણ પ્રસાદમાં પીરસો.