લોટ, ઘીમાં અજમો નાંખી બરાબર મિક્સ કરો. ત્યાર પછી પૂરતુ પાણી લઈને કડક લોટ બાંધો. આ લોટને ડિશ કે પછી ભીના મુલાયમ કપડાથી ઢાંકી દો અને સાઈડમાં 10થી 15 મિનિટ રહેવા દો.
એક પેનમાં તેલ ગરમ કરો. તેમાં જીરુ ઉમેરો. જીરુ તતડે એટલે હીંગ અને આદુ મરચાની પેસ્ટ નાંખી મીડિયમ ગેસ પર થોડી વાર સંતળાવા દો. ત્યાર પછી તેમાં બાફેલા વટાણા અને બટાકા ઉમેરી ચમચીના પાછળના ભાગથી મસળીને માવો બનાવો.

સમોસાનો લોટ સ્મૂધ થાય ત્યાં સુધી તેને મસળો. ત્યાર પછી તેને બે સરખા ભાગમાં લુઆ કરી દો. દરેક ભાગનો ગોળો વાળીને મોટી રોટલી વણી લો.
રોટલીના અર્ધગોળાકાર ભાગના બે છેડા બનાવી કોન જેવો આકાર તૈાર કરો. તેમાં સમોસાનું સ્ટફ ભરો અને પછી થોડુ પાણી લઈને તેના છેડા ચોંટાડી દો. આ રીતે એક પછી એક સમોસા વણતા જાવ.
કડાઈમાં તેલ ગરમ કરો. તેમાં સમોસાને મીડિયમ ફ્લેમ પર તળો. બંને બાજુથી પડ ગોલ્ડન બ્રાઉન રંગનું થાય ત્યાં સુધી તેને તળી લો.
ગરમાગરમ સોસ ચટણી કે ચા સાથે પીરસો.