સૌ પહેલાં લોટ માં ઘી અને અજમો નાંખી બરાબર મિક્સ કરો. પછી પાણી નાખી ને કડક લોટ બાંધો. આ લોટને ભીના કપડાથી ઢાંકી દો અને સાઈડમાં 10થી 15 મિનિટ રહેવા દો.

હવે એક પેનમાં તેલ ગરમ કરો. તેમાં જીરુ ઉમેરો. જીરુ તતડે એટલે હીંગ અને આદુ મરચાની પેસ્ટ નાંખી મીડિયમ ગેસ પર થોડી વાર સંતળાવા દો. ત્યાર પછી તેમાં બાફેલા વટાણા અને બટાટા મસળીને માવો બનાવો.

તેમાં ગરમ મસાલો, આમચૂર, ધાણા, નમક નાંખી બરાબર મિક્સ કરો અને મીડિયમ આંચ પર તેને 2 મિનિટ સુધી ચડવા દો. ત્યાર પછી તેમાં કોથમીર ઉમેરી ગેસ બંધ કરી દો

સમોસાનો લોટ સ્મૂધ થાય ત્યાં સુધી તેને મસળો. ત્યાર પછી તેને બે સરખા ભાગમાં વિભાજીત કરી રોટલી વણી લો.રોટલીના અર્ધગોળાકાર ભાગના બે છેડા બનાવી કોન જેવો આકાર તૈાર કરો. તેમાં સમોસાનું સ્ટફ ભરો અને પછી થોડુ પાણી લઈને તેના છેડા ચોંટાડી દો. આ રીતે એક પછી એક સમોસા વણતા જાવ.