એક બાઉલમાં મેંદો ઘી અજમો અને મીઠું નાખી જરૂર પ્રમાણે પાણી નાખી કણક તૈયાર કરો. કઠણ કણક તૈયાર કરી તેને ઢાંકણ ઢાંકી ૧૦થી ૧૫ મિનિટ સુધી બાજુ પર રાખો.

એક નોનસ્ટિક પેનમાં તેલ ગરમ કરી તેમાં જીરું મેળવો. જ્યારે દાણા તો પડવા માંડે ત્યારે તેમાં હિંગ આદુ લીલા મરચાની પેસ્ટ મેળવી મધ્યમ તાપ પર થોડી સેકન્ડ સુધી સાંતળી લો.

તે પછી તેમાં બટાકા અને લીલા વટાણા મેળવી સારી રીતે મિક્સ કરી મધ્યમ તાપ પર બેથી ત્રણ મિનિટ સુધી રાંધી લો. આ પૂરણને ચમચા ના પાછળ ના ભાગ વડે હળવે હાથે દબાવો.

હવે પુરણ માં ગરમ મસાલો, આમચૂર, આખા ધાણા, અને મીઠું મેળવી સારી રીતે મિક્સ કરી મધ્યમ તાપ પર બે મિનીટ સુધી હલાવો.

હવે તેમાં કોથમીર ઉમેરી સારી રીતે મિક્સ કરી મધ્યમ તાપ પર એક મિનીટ સુધી હલાવો. તો હવે પૂરણ એક ડીશમાં લઈ તેને ઠંડુ કરવા મુકો.

કણકને સારી રીતે મસળી તેમાંથી લુવા પાડી તેને લંબગોળ આકારની વણી લો હવે વચ્ચેથી ચપ્પુની મદદથી તેને કાપી લો.

સમોસાનો આકાર આપી તેની અંદર બટાકાનો પૂરણ ભરી લો. આજ રીતે બધા સમોસા તૈયાર કરી લો.

હવે એક કડાઈમાં તેલ ગરમ કરી તેમાં સમોસાને મધ્યમ તાપ પર ગોલ્ડન બ્રાઉન થાય ત્યાં સુધી તળી લો.

હવે સર્વિંગ પ્લેટમાં ગરમાગરમ પંજાબી સમોસા સાથે સોસ અને પપૈયા ના સંભારા સાથે મજામાં માણો.