એક પોટમાં કાંદા, લીલા મરચા, લસણ અને ટામેટા ઉમેરી એમાં પાણી ઉમેરવું. હવે મીડીયમ તાપ પર ટામેટા જ્યાં સુધી પોચા થઈ જાય ત્યાં સુધી પકાવવું. હવે તેને ઠંડુ થવા દઈને બ્લેન્ડર ની મદદથી બ્લેન્ડ કરી લેવું.

હવે સૂપ ને ગરણીથી ગાળી લઈને પોટ માં ઉમેરીને મીડીયમ તાપ પર ગરમ થવા મૂકવું. હવે તેમાં પાસ્તા ઉમેરી બે કપ પાણી ઉમેરવું. પાસ્તા લગભગ તૈયાર થઈ જાય ત્યારે તેમાં ગાજર, ફણસી, સ્વીટકોર્ન અને રોઝમેરી ઉમેરવા.

બધા શાકભાજી લગભગ ચઢી જાય ત્યારે તેમાં મીઠું, મરી અને મશરૂમ ઉમેરવા. બે મિનિટ માટે મીડિયમ તાપ પર પકાવવું. હવે તેમાં બટર ઉમેરીને ફરી એક મિનિટ માટે મીડીયમ તાપ પર પકાવીને ગેસ બંધ કરી દેવો.