ઘઉં નો જીણો લોટ,બાજરી નો લોટ,ચણાનો લોટ અને જુવાર નો લોટ ને પહોળાં વાસણમાં લઈ ને સરસ મિક્ષ કરી લો.
□ આદુ-મરચાં ને કાપી,લસણ ને ફોલી,ખાંયણી માં કુટી ને પેસ્ટ બનાવી લો.
□ મેથી ની ભાજી ને ધોઈ,જીણી સમારી ને રાખો.

બે કપ લોટ માં ૪ ચમચી આદુ-મરચાં અને લસણ ની પેસ્ટ,૨ કપ જીણી સમારેલી મેથી ની ભાજી, ૧ ચમચી જીરુ,લાલ મરચું, ધાણાજીરુ, હળદર, અને સ્વાદ મુજબ મીઠું અને તેલ ઉમેરી ને સરસ મિક્ષ કરી લો.

જરૂર મુજબ પાણી ઉમેરી ને કઠણ લોટ બાંધી ને ૫ - ૧૦ મિનિટ માટે રાખી લો, ને પછી લોટ ને મસળી ને લુવા કરી લો,એક લુવા ને લઈ ને ભાખરી કરતાં સહેજ પાતળું વણી લો.

ગેસ ની ધીમી આંચ પર રાખી ને ગરમ તવી પર વણેલ સુરમિયું રાખી ને બન્ને બાજુ શેકી ને પછી શુધ્ધ ઘી ગોળ ફરતે અને ઉપર ની બાજુ લગાવી ને સરસ શેકો...બન્ને બાજુ આ રીતે સરસ શેકો,સરસ સુગંધ આવશે અને સોનેરી બદામી રંગ નું શેકાય એટલે ઉતારી લો ને પ્લેટમાં રાખી લો...આ પ્રમાણે બધા સુરમિયાં ને વણી ને શેકી લો ને પ્લેટમાં કાઢી લો.
તૈયાર થયેલ સુરમિયાં ને ફોટા માં બતાવ્યાં પ્રમાણે કાપી લો.