સૌપ્રથમ એક મોટો મૂળા ને પાંદડા સાથે લો,પાંદડાં માં થી કુણી સફેદ દાંડી ને અલગ કરી પાંદડાં ને પાણી થી ધોઈ ને કપડાં પર પહોળાં કરી લો,ને લૂછી લો ને ઝીણાં સમારી લો.
□ મૂળા ને ધોઈ ને ઉપર ની સપાટી કાઢી ને ખમણી લો ને એક પહોળા વાસણમાં રાખો.
□ આદુ-મરચાં ને ધોઈ ને પેસ્ટ બનાવી લો.
□મીઠા લીમડાનાં પાન ને ધોઈ,કોરા કરી લો.
□ લીલાં મરચાં ને ધોઈ,ઉભાં કટકાં કરી લો.

પહોળા બાઉલમાં છીણેલ મૂળા ને,જીણા સમારેલી મૂળા ની ભાજી,આદુ-મરચાં ની પેસ્ટ, ઘઉં નો કરકરો લોટ, જીણો લોટ,ચણા નો લોટ,ખાંડ, મીઠું, હળદર, ધાણાજીરુ, લાલ મરચું, હીંગ,સફેદ તલ અને (મોયણ) તેલ ઉમેરો ને સરસ બધું જ ભેળવી લો અને જરુરીયાત મુજબ પાણી ઉમેરી ને મુઠીયા ના લોટ બાંધી લો ને તેલ થી મસળીને રાખો.
ઢોકળિયાં માં પાણી મુકી ગરમ કરવા રાખી ને ડીશ ને તેલ થી ગ્રીસ કરી ને રાખો.

હવે,લોટ માં સોડા ને લીંબુ નો રસ ઉમેરી ને સરસ મિક્ષ કરી લો, ને હાથ તેલ થી ચીકણું કરી ને બાંધેલા લોટ માં થી એક મોટો નળાકાર બનાવી ને ઢોકળિયાં માં તેલ થી ગ્રીસ કરી ને રાખેલ ડીશ માં રાખો,આ રીતે બા જ લોગ બનાવી ને ઢાંકણ ઢાંકી ને ૨૦ મિનિટ માટે ગેસ ની ઊંચી આંચ પર રાખી ને બાફી લો,ઠંડા કરી મનપસંદ આકાર માં કાપી લો ને એકબાજુ રાખો.

વઘાર માટે :

એક કઢાઈ માં તેલ ગરમ કરી તેમાં રાઈ ઉમેરી દો, ને તતડે એટલે લીલાં મરચાં ના કટકાં, લીમડાનાં પાન, તલ અને હીંગ ઉમેરી ને સાંતળો પછી કાપેલાં મુઠીયા ને ઉમેરી ને સરસ મિક્ષ કરી લો,થોડીકવાર સાંતળો પછી ૨ ચમચી તેલ ઉમેરી ને સરસ ભેળવી લો ને ૩ મિનિટ પછી ગેસ બંધ કરી દો.

તૈયાર મૂળા અને મૂળા ભાજી ના મુઠિયા ને ચટણી કે ચ્હા સાથે સર્વે કરો.