સૌપ્રથમ લીલી હળદર ને ધોઈ,છાલ કાઢી ને પાણી ભરેલા બાઉલમાં રાખો.
બધી હળદર છોલાઈ જાય પછી નાનાં કટકાં કરી લો.

ગેસ ની ધીમી આંચે,પેન માં તેલ ગરમ કરી તેમાં લીલી હળદર ને ઉમેરી ને સાંતળો, હળદર ની કાંચી સુગંધ આવતી બંધ થાય,પણ કડક ન થાય ઈ ધ્યાન રાખવું,હળદર સહેજ ચડી જાય ત્યાં સુધી હલાવતાં રહો.(૩ થી ૪ મિનિટ)

પછી તેમાં કાશ્મીરી લાલ મરચું સિવાય બધી સામગ્રી ઉમેરી દો ને સરસ મિક્ષ કરી ને ૧ મિનિટ માટે સાંતળો, ગેસ બંધ કરી દો ને પેન ને નીચે રાખી ને ઠંડું થવા દો.

મિશ્રણ એકદમ સરસ ઠંડું થાય પછી તેમાં કાશ્મીરી લાલ મરચું ઉમેરી ને સરસ મિક્ષ કરી લો.

કાચ ની બરણી માં હળદર ના અથાણાં ને ભરી લો,
હવે, તેલ ને ધુંમાડા નીકળે એમ ગરમ કરી,ઠંડુ થાય એટલે કાચ ની બરણી માં ઉમેરી દો..

નોંધ -
□ લીલી હળદર ની છાલ કાઢી ને પાણી ભરેલાં બાઉલમાં રાખો, જેથી હળદર કાળી ન પડે અને તેનો રંગ જળવાઈ રહે.
□ હળદર ને તેલ માં સાંતળતા ધ્યાન ઈ રાખો કે એ કડક ન થઈ જાય,હળદર ની કાચી સુગંધ આવતી બંધ થાય અને સહેજ ચડી જાય ત્યાં સુધી જ પકવવી.
□ આ અથાણાં માં મીઠું થોડું ચઢિયાતું ઉમેરો,જેથી બગડે નહીં,અથાણું કાળું નહી પડે અને હળદર નો રંગ પણ સરસ જળવાઈ રહે છે.