સૌપ્રથમ ફલાવર ના કટકાં કરી ઉકળતાં પાણી માં મીઠાં સાથે રાખી મૂકો,પછી સરસ બે - ત્રણ વખત પાણી થી ધોઈ ને નિતારી લો.
વટાણા ને ફોલી દાણા કાઢી લો.
હળદર ને છોલી,ધોઈ,ને ખમણી લો...ને પાણી માં રાખો જેથી કાળી ન પડે.

પેન માં ઘી ગરમ કરી ને જીરું ઉમેરો તતડે એટલે હળદર ની છીણ ને ઉમેરી ને સાંતળો પછી તેમાં મીઠું ઉમેરી ને સરસ ભેળવી ને ઢાંકણ ઢાંકી રાખી લો, વચ્ચે વચ્ચે હલાવતાં રહો ને ચેક કરતાં રહો.

હવે,પેન માં હળદર ને બાજુ પર કરી,તેમાં જ કાજુ અને દ્વાક્ષ ને સાંતળો પછી તેમાં વટાણા અને ફ્લાવર ઉમેરી ને મિક્સ કરી લો ને ચડવા દો,વચ્ચે વચ્ચે હલાવતાં રહો ને ધીમાં તાપે ચડવા દો.

હવે,એક વાટકી માં દહીં ઉમેરી ને સરસ ફેટી લો પછી તેમાં મરી પાઉડર, લાલ મરચું, ધાણાજીરુ ઉમેરી ને સરસ ભેળવી લો ને પછી શાક માં ઉમેરી દો અને હલાવો છેલ્લે મીઠું ઉમેરી ને સરસ હલાવી લો ને ૧ મિનિટ માટે રાખી મૂકો,શાક માં થી ઘી છુટું પડશે...શાક તૈયાર.

તૈયાર છે 'લીલી હળદર નું રજવાડી શાક' એને પ્લેટમાં કાઢી લો અને કાજુ તથા લીલી હળદર ની ચીરી થી શણગારી લો...રોટલી,રોટલા, પરાઠા સાથે પીરસો.

શિયાળાની કડકડતી ઠંડીમાં આ શાક બનાવી ને આરોગી ને એનો આનંદ લો.બાળકો થી લઈ વડીલ બધાં ને આ શાક ભાવશે.