સૌ પ્રથમ લીલી હળદર ને ધોઈ ને છાલ ઉતારી સમારી લેવી.તેમાં મીઠું અને 1 લીંબુ નો રસ ઉમેરી મિક્સ કરી 1 કલાક ઢાંકી ને રાખી દેવું.આમળા ને ધોઈ ને કોરા કરી ખમણી લેવા.તેમાં ½ લીંબુ નો રસઅને મીઠું ઉમેરો.તેને 15 મિનિટ રાખી દો.

હવે બંને માંથી પાણી નિતારી એક બાઉલ માં લઇ લેવા.બાકી ના લીંબુ ના ટુકડા કરી તેને પણ ઉમેરવા.તેના માટે ખાટા અથાણાં નો તૈયાર મસાલો લેવાનો છે.અથવા ઘરે બનાવેલો મેથીયો મસાલો પણ ઉમેરી શકો.

હવે અથાણાં નો મસાલો અને 1 ચમચી મીઠું ઉમેરી દેવું. બધું બરાબર મિક્સ કરી દો.તેલ ને ગરમ કરી ઠંડુ થાય એટલે આ અથાણાં માં ઉમેરી દો. તેને 1 દિવસ એમાં જ રાખવું.પછી એર ટાઈટ બોટલ માં ભરી ફ્રીઝ માં સ્ટોર કરી શકો.

તૈયાર છે લીલી હળદર અને આમળાનું અથાણું.આ અથાણું 2-3 મહિના બહાર અને ફ્રીઝ માં 6 મહિના સુધી સારું રહે છે.