સૌ પ્રથમ એક પેન માં તેલ ગરમ કરો. હવે તેલ ગરમ થાય એટલે કાચા ભૂંગળા તળી લો.

ત્યારબાદ એક પ્રેશર કુકરમાં પાણી ઉમેરી તેમાં નાની બટાકી અને મીઠું ઉમેરી મિક્સ કરી કૂકર નું ઢાંકણ ઢાંકી 3 વ્હીસલ વગાડી બટાકી 80% બાફી લો.

હવે આ બટાકી ને પ્રેશર કૂકરમાંથી પ્રેશર નીકળી જાય એટલે બટાકી બહાર કાઢી ઠંડી કરી લો. અને તેની છાલ ઉતારી લો.

હવે આપણે લસણીયા ભૂંગળા માટેનો સ્પેશિયલ મસાલો બનાવીશું. એની માટે મિક્સર જાર માં લસણ ની કળી, આદુ, શેકેલું જીરું પાઉડર, મીઠું, કાશ્મીરી લાલ મરચું પાઉડર, હળદર પાઉડર અને ધાણા જીરું પાઉડર ઉમેરી ક્રશ કરી મસાલો તૈયાર કરી લો.

હવે પેન મા તેલ ગરમ કરી તેમાં બાફેલી બટાકી ડાર્ક માર્ક ઉપર આવે ત્યાં સુધી શેકી લો. અને એક બાઉલ મા કાઢી લો.

ત્યારબાદ એક પેન માં વધેલા તેલ મા બીજું 2 ટેબલ સ્પૂન તેલ ગરમ કરી તેમાં હિંગ અને લસણ ની પેસ્ટ ઉમેરી સ્લો ગેસ ની આંચ પર સાંતળી લો. હવે આમાં પાણી ઉમેરી આ લસણ ની પેસ્ટ ને બરાબર મિક્સ કરી કૂક કરી લો.

હવે લસણ ની પેસ્ટ માંથી પાણી બધું બળી જાય એટલે આમાં ફ્રાય કરેલ બટાકી ઉમેરી બરાબર મસાલા સાથે કોટ કરી મસાલો ડ્રાય થાય ત્યાં સુધી કૂક કરી લો. હવે આમાં જીની સમારેલી કોથમીર ઉમેરી બરાબર મિક્સ કરી ગેસ ની આંચ બંધ કરી લો. ત્યારબાદ આમાં લીંબુ નો રસ ઉમેરી બરાબર મિક્સ કરી લો.

ત્યારબાદ લાસ્ટ માં આમાં ચાટ મસાલો ઉમેરી બરાબર મિક્સ કરી લો.

હવે આપણા એકદમ ચટાકેદાર અને સ્પાઇસી એવા ભાવનગર ના પ્રખ્યાત લસણીયા ભૂંગળા બટાકા સર્વ કરવા માટે તૈયાર છે. ઉપર જીની સમારેલી કોથમીર ઉમેરી ગાર્નિશ કરી તળેલા ભૂંગળા સાથે સર્વ કરો.