એક પેણીમાં ૧ મોટી ચમચી તેલ લેવું. તેમાં જીરું અને કઢી લીમડો નાંખવો. પછી તેમાં હીંગ, આદુ - લસણ ની પેસ્ટ અને લીલાં મરચાં ની પેસ્ટ સાંતળવી.

પછી તેમાં બાફેલી દાળ, હળદર અને મીઠું નાંખીને ૫ થી ૭ મિનિટ સાંતરવું. દાળ પેણી ની ધાર છોડી દે એટલે ગેસ બંધ કરીને તેને બીજા વાસણ માં કાઢી લેવું.

ત્યારબાદ તેમાં રાંધેલો ભાત, કાપેલા શાકભાજી, કોથમીર અને લીલું લસણ નાંખીને બરાબર મિક્ષ કરવું.

હવે આ મિશ્રણમાંથી ૨ ચમચી મિશ્રણ હથેળીમાં થેપી લેવું. વરચે મોઝરેલા ચીઝનો ટુકડો મૂકીને ગોળો વાળી દેવો. (પેટીસ ની જેમ) આ રીતે બધા ગોળા તૈયાર કરી દેવા.

આ ગોળાને પહેલા કોર્નફલોર ની સ્લરીમાં ડૂબાળવા અને પછી બ્રેડ ક્રમ્સમાં રગદોળી દેવા. ફરી આજ રીતને રિપીટ કરવી. આ રીતે બધા ગોળા તૈયાર કરી દેવા.

આ ગોળાને ૨૦ મિનિટ માટે ફ્રીઝમાં મૂકી દેવા.

ગરમ તેલમાં ગોળા તળી લેવા.

ટોમેટો કેચપ કે ગ્રીન ચટણી સાથે પીરસવું.