सर्व प्रथम तूर डाळ व चणा डाळ, लाल सुक्या मिरच्या पाणी घालून २ तास भिजत ठेवावे.

२ तासानंतर डाळी मधले सर्व पाणी निथळून टाकावे व मिक्सर पॉट मध्ये डाळ व लाल मिरची टाकून जाडसर वाटून घ्यावे. थोडी डाळ अख्खी राहू द्यावी.

तयार मिश्रण एका भांड्यात काढून त्यात बिटाचा कीस, कांदा, मिरची, कोथिंबीर, कडीपत्ता, आलं पेस्ट, मीठ व हिंग टाकून छान मिक्स करावे. आता यात तांदूळ पीठ टाकून मिक्स करावे.

तयार मिश्रणाचे छोटे गोळे करून दाबून घ्यावे. कडईत तेल गरम करून, तयार वडे टाकून मंद ते मध्यम आचेवर खरपूस तळून घ्यावेत. सोनेरी रंगावर तळून घ्यावे. आपले चविष्ट वडे खाण्यासाठी तयार आहेत.