एका भांड्यात चिकन कट करून घ्या. यात हळद, लाल तिखट, मीठ, तंदुरी मसाला, दही, लिंबाचा रस, हिंग, आले लसूण पेस्ट, चिरलेली कोथिंबीर घालून छान मिक्स करून घ्या. बटाटे गोल काप करून घ्या. ते ही चिकन सोबत मॅरीनेट करायला ठेवा. वरून झाकून तास भर फ्रिज मध्ये ठेवा.

एका पसरट भांड्यात तेल व अमुल बटर एकत्र गरम करून घ्या. तेल गरम झाले की यात पाव चमचा लाल तिखट घालावे, म्हणजे तेला ला छान रंग येईल, मग एक एक चिकन व बटाटे पीस यात सोडा. छान तेलावर परतून घ्या.

वर झाकण ठेवून सहा सात मिनिटे असू द्या. चिकन बोनलेस असल्याने लवकर शिजेल, पण बटाटे शिजण्यासाठी झाकण ठेवा. झाकण काढून चमच्याने बटाटे शिजले की नाही ते पहा.

बटाटे शिजले असल्यास झाकण काढून घ्या, आणि यातील पाणी आटवून घ्या. तयार चिकन भाकरी, पोळी किंवा भातासोबत सर्व्ह करा.