मैदा, तुप, दही, मीठ, बेकिंग पावडर, साखर सर्व मीक्स करून ब्रेडक्रम्स सारखे करून मग पाणी घालून हलक्या हाताने गोळा केला. त्याला कणकेची सारखे मळायचे नाही.मग त्याचा तुकडा तोडून परत गोळ्यावर ठेवला. असे ५-६ वेळा केलं.मग १५ मिनिटे झाकून ठेवला.

आता गॅसवर पॅनमध्ये साखर व पाणी घालून त्याला २-३ मी नीट उकळू दिले. मग त्यात थोडे दूध घालून त्याची मळी काढून घेतली. मग त्यात केशराचे पाणी व लींबू रस घालून पाक तयार होईपर्यंत उकळले. पाकाचा थेंब डीशवर टाकून तीरपे केल्यावर लगेच ओघळला नाही म्हणजे पाक तयार.

आता झाकलेला गोळा घेऊन त्याला हाताने पुरी सारखे पसरवले. मग मधून कट करून एका वर एक ठेवले.परत हाताने अलगद थापले कट केले असे ६-७ वेळा केले व १० मिनिटे झाकून ठेवले.

आता त्या गोळ्याचा रोल करून त्याचे पीसेस कट करून मग दोन्ही हातांच्या तळव्यांनी गोल गोल फिरवत चपटा गोल गोळा केला.

सर्व गोळे तयार करून घेतले करतांना त्यांना मधे बोटाने होल केले. गॅसवर कढईत तूप गरम करून त्यात सर्व गोळे एकाच वेळी घातले कारण ह्याला तुपाचे तापमान कमी व एकसारखे लागते. २-३ मीनीटांनी ते गोळे वर येतात एका साईडने तळून झाल्यावर मग दुसऱ्या साईडने तळून घेतले. त्यांना झाऱ्याने हलवायचे नाही. त्या फार आरवार असतात.

ह्या बालुशाही एकदम खुसखुशीत होतात व पाक अगदी आतपर्यंत जातो. खुपच टेस्टी होतात.