सर्वप्रथम सगळे साहित्य एका ट्रेमध्ये काढून ठेवणे, गॅसवर कढईत तेल तापायला ठेवणे,, तेल तापले की मोहरी आणि हिंग घालावे, मोहरी तडतडली की चिरलेला कांदा आणि हिरवी मिरची घालावी,, हे चांगले एक मिनिट परतून घ्यावे

कांद्याचा कच्चेपणा गेल्या की त्याच्यामध्ये लसन, अद्रक, जिर यांचा ठेचा घालावा, आता हे चांगलं दोन मिनिटं परतून घ्यावं, आता त्यामध्ये सर्व सुखी मसाले घालावे, लाल तिखट, काळा मसाला, हळद, धने पावडर हे घालून चांगले मिक्स करावे, दोन ते तीन मिनिटं चांगलं मंद गॅसवर परतून घ्यावे,

आता या मसाल्यामध्ये चिरलेला टोमॅटो घालून द्यावा, आणि मीठ घालून चांगले मिक्स करावं, आता हळूहळू टोमॅटो ला पाणी सुटेल, ते पाणी आटत पर्यंत भाजी आपल्याला शिजवायची आहे,

भाजीला 7,8 मिनिट शिजू द्यावे, त्यामध्ये आता साखर घालावी, परत दोन मिनिटे शिजवून घ्यावे, तिखट, साखर, मीठ, तेल तुम्ही तुमच्या हिशोबाने कमी-जास्त करू शकता,,

आता भाजी चे पाणी पूर्ण आटलेले आहे, भाजीला तेल पण सुटलेल आहे, आता भाजी झालेली आहे असे समजावे, आता या भाजीवर कोथिंबीर घालावी, आणि पराठा सोबत गरम गरम सर्व करा, छान तिखट आंबट गोड अशी ही भाजी खूप सुंदर असावी लागते,