#फोटोग्राफी#उसळकोकणातली ही काळ्या वाटाण्याची उसळ आणि वडे किंवा आंबोळ्या अतिशय प्रसिद्ध अशी डिश आहे. त्यात काजू घालून केली तर सोने पे सुहागा.... कोकणात चिकनमध्ये किंवा काळ्या वाटाण्याच्या उसळीत काजुगर घालून आम्हाला आवडतात म्हणून आमची आजी बनवायची. आजी ओले काजू उन्हात सुकवून ठेवायची आणि आम्ही मे महिन्यात गावाला गेलो की पदार्थ करून घालायची आणि येताना गुपचूप तांदळाच्या पिठात किंवा तांदळात घालून काजूगर द्यायची.सध्या लॉकडाउन असल्यामुळे काही आणायला मिळत नाही त्यामुळे आहे त्यात सर्व निभावून घेत आहोत. काजूगर अगोदर आणलेले होते तेच वापरलेत.

#summer special #ओले काजूउन्हाळ्याच्या दिवसांमध्ये मार्केटमध्ये ओले काजूगर बघायला मिळतात. कोकणातल्या लोकांना हे ओले काजूगर खूपच प्रिय असतात आणि तिथे मिळतात ही मुबलक प्रमाणात. परंतु मुंबईत राहणाऱ्या लोकांना मात्र हे काजुगर खूपच चढ्या भावाने विकत घ्यावे लागतात त्यामुळे नुसत्या ओल्या काजूंची उसळ सर्वांनाच परवडते असे नाही. आजची ही रेसिपी म्हणजे एक प्रकारचा जुगाडच आहे,ओले काजूगर आणि मटार यांच्या उसळी ची रेसिपी कोणालाही सहज करता येण्यासारखी आहे.

#EB6#W6#मटार उसळआज काहीतरी वेगळी मटार उसळ बनवायचं मनात आलं, म्हटलं आपण हिरवी चटणी करतो तसंच वाटण करून मटार उसळ बनवू. आणि खरंच एक वेगळीच चव आली मटार उसळीला. घरी तर सर्वांना आवडली.

#GA4 #Week5किवर्ड # Cashew काजूआता तुम्ही म्हणाल की नवरात्रात आणि ओले काजूगर? पण सांगतेच तुम्हाला वर्षभर ओले काजूगर कसे मिळवायचे ते ! ओले काजूगर मिळवण्यासाठी एकतर त्या सीझनला कोकणात गाव गाठायला पाहिजे नाहीतर कुणी जिवाभावाचे माणूस तिथे असायला हवे. मलाही हे काजू गावची भेट म्हणून मिळाले. ओले काजूगर आणून, कोवळेसोवळे काढून अस्सल तयार गराना दोन दिवस कडकडीत उन्हे देतात आणि सुकले की त्यांची सुती कापडात गाठोडी बांधून आडव्या बांबूवर लटकत ठेवतात. कारण उरलासुरला ओलेपणा जाऊन ते हवेवर छान सुकावे. असे सुकवलेले काजूगर हवाबंद डब्यात ठेवले की वर्षभर टिकतात. मी हे असे काजू रेफ्रिजरेट करून ठेवते त्यामुळे हवं तेव्हा चमचमीत काजूगरांची उसळ आणि गरमागरम तांदळाच्या भाकरीचा आस्वाद वर्षभर घेता येतो.

#रेसिपीबुक #week4#माझे आवडते पर्यटन स्थळकोल्हापूरला आम्ही एकदा गेलो तिथे महालक्ष्मी मंदिर, शाहू महाराजांचे म्युझियम, रंकाळा तलाव वगैरे बघण्यासारखे खूप काही आहे. मुख्य म्हणजे खादाडी, अस्सल खवय्ये असाल तर एकदा तरी कोल्हापूरला भेट द्यावीच, तिकडचे मुख्य म्हणजे जेवणात जो कोल्हापुरी कांदा लसूण मसाला वापरतात त्याचा झणझणीत स्वाद, तेलाचा तवंग अप्रतिम, बघुनच तोंडाला पाणी सुटल्याशिवाय राहणार नाही तसेच तिकडची स्पेशल डिश म्हणजे पांढरा रस्सा, तांबडा रस्सा, झणझणीत मिसळ असे बरेच पदार्थ चाखायला मिळतील. तर आज मी अशीच वांगी मसाला रेसिपी बनविली आहे, बघा बरं कशी झालीय ते......

#RJR#रात्रीचे_जेवण_रेसिपीस#मालवणी_चिकन_ग्रेव्ही_आणि_जिरा_मसाला_राईसदिवसभराचा थकवा दूर करण्यासाठी रात्रीच्या जेवणामधे चमचमीत असा मेनू असला तर घरचे एकदम खुश होतात. म्हणून मी सगळ्यांच्या आवडीचे पदार्थ बनवून दिले. छान मसाले वाटून मस्त चमचमीत तर्रीदार मालवणी चिकन ग्रेव्ही बरोबर जिरा मसाला राईस हे काॅम्बिनेशन मस्तच लागते. त्याची रेसिपी पुढे देत आहे.

#KS8 #महाराष्ट्र_स्ट्रीट_फूड"बटाटे वडे " महाराष्ट्र भर अगदी कुठंही काना- कोपऱ्यात मिळणारी आपल्या जवळ जवळ सर्वांच्याच आयुष्यातील एक अविभाज्य पदार्थ म्हणजे, "बटाटे वडे" नाही का....!!!असं कोणीच नसेल ज्याने वडापाव चाखला नसेल...!! मला आठवत शाळेत असताना दर शनिवारी शाळेचा अर्धा दिवस आणि डब्याला सुट्टी असायची, तेव्हा आई शाळेत जाताना आवर्जून हातात 1 रुपया द्यायची , आणि आज तुझा आवडता वडापाव खा म्हणायची... एक दिवस आई ला पण आराम आणि माझी तर धमाल...!!! अक्षरशः मधल्या सुट्टीची वाट बघायची, आता तर आठवड्यातून एकदा तरी हा वडा घरी बनतोच...😊😊 आता तर पावसाळा, आणि पावसाळी मेनू मध्ये बटाटे वडे अग्रस्थानी असतात नाही का...!!

कोकणात गेलात आणि तिथे मालवणी चिकन ची चव नाही चाखली असं म्हणू शकत नाही. तेच मालवणी चिकन सोप्या पद्धती मध्ये करण्याचा प्रयत्न केला आहे.

#फॅमिलीइंटरनॅशनल फॅमिली डे च्या निमित्ताने मी आमच्या अहोंसाठी बनविलेली खास डीश. त्यांना फारच आवडली !!!खरंतर माझी आई मालवणातली आणि माझे बाबा वाणगाव (डहाणू) चे, त्यामुळे आम्हाला दोन्ही बाजूंची चव चाखायला मिळायची...बाबांना फिश सोबत चिंच कढी लागायची तर आईला ही करी...!! मग काय फिशच्या दिवशी आमची चंगळ असायची कारण आम्हा मुलांना दोन्ही चवी एकत्र मिळायच्या.!! माझ्या बाबांना असे फिश फार आवडायचे..आणि सोलकढी सुद्धा! माझ्या हातच बाबांना खाऊ घालण्याआधीच बाबा.......:(असो तर ही मालवण ची स्पेशल डीश बरका!!!...ही माझ्या आईने मला शिकविलेली, माझ्या आजीने आईला शिकवलेली , आजीला पणजीने.....!!!!!सांगायचा मुद्दा असा की ही पारंपारिक आहे आणि टेस्टी आहे. आजी म्हणायची की तीची आई म्हणजेच माझी पणजी सगळा मसाला पाट्यावर वाटायची. तेल न घालताच मातीच्या भांड्यात ही करी चुलीवर बनवायची!आजी म्हणायची "माझ्या पेक्षा माझ्या आईच्या हाताला चव आहे". आई म्हणायची "माझ्या पेक्षा माझ्या आईच्या हाताला चव आहे". आम्हाला तर आजीच्या हातच आणि आईच्या हातच दोन्ही सारखेच वाटायचे..पण आता कळाले की आपल्या पेक्षा आपल्या आईच्या हाताला किती चव असते ती!!!!!पण अहोंना फारच आवडल्या मुळे मी मात्र खूष होते. Thank you कुकपॅड तुमच्यामुळे आणि इंटरनॅशनल फॅमिली डे च्या निमित्ताने मला ही संधी मिळाली.

#रेसिपीबुकWeek 3गावाकडची आठवण २कुळीथ म्हणजे कोकणी स्वयंपाकातील कल्पतरू. कुळीथ किंवा हुलगे हे कोकणात जास्त प्रमाणात खाल्ले जाणारे कडधान्य आहे . बहुतेक वेळा नाचणीच्या भाकरीबरोबर! नाचणीची भाकरी आणि कूळथाची गरगरित भाजी हे एक प्रोटीन आणि फाइबर पॅकड् अन्न आहे. लहानपण आठवलं कि वाटतं आपली आजी आणि आई आपल्या साठी काय काय पौष्टिक बनवायच्या ते!लहानपणी गावी गेलो कि आजी नेहमी कुळथाचं सांबारं बनवायची. कुळथाचं सांबारं बनवायचं असेल तेव्हा आठवड्यातले किमान 3 दिवस तरी कार्यक्रम ठरलेला असायचा. कुळीथ भिजवणे ,चाळणीत काढणे किंवा आजीच्या जुन्या नऊवार सुती साडी मधून कापलेल्या चौकोनी कापडात बांधणे! म्हणजे चविष्ट उसळ खाण्यासाठी ही एवढी खटपट अगदी मनापासून केली जायची. कोकणातील मुख्य पीक कुळीथ. माझं आजोळ मालडी उंच डोंगरावर, हिरवे गार! झूळझूळ वाहणारे पाण्याचे झरे, आंबे, नारळ, जांभळं,करवंद, पेरू एक ना अनेक झाडे. त्यातून पायवाटेने चालत जाताना मजा यायची. दुपारपर्यंत गांव फिरून झालं कि घरी येऊन मस्त जेवायचं. भूक लागेलेलीच असे. मग केळीच्या पानावर गरम भात, आंबोशीचे लोणचे, पोह्याचा पापड आणि गरमागरम कुळीथाचे सांबारं. अहाहा …..आजी च्या हातच्या सांबारची चव अजून जीभेवर तशीच रेंगाळते आहे. सर्दी झाली की आजी नेहमी कुळथाचे कढण द्यायची. मला प्रश्न पडे चहा द्यायचा सोडून हे काय प्यायचे. पण जे गुणधर्म कुळीथात आहेत ते त्या चहात कुठले असणार. असो ते वय हे गुणधर्म समजण्याचे नव्हतेच. आठवड्यातून ३ वेळा तरी कुळथाची उसळ, कढण व रात्री पीठल हा मेनु ठरलेला असे. मी आज कुळथाचं सांबारं बनवलं. त्याला नक्कीच आजीच्या किंवा आईच्या हातची चव नसणार. पण प्रयत्न केला आहे मी त्यांच्या सारखं सांबारं बनवायचं.

#फ्राईडPost 1कोकणात अमाप उत्साहात साजरा करण्यात येणारा सण म्हणजे गणेश चतुर्थी. ‘गणेश चतुर्थी’ या दोन शब्दांनीच कोकणी माणसाच्या चेहऱ्यावर आनंद,उत्साह भरभरून वाहायला लागतो. इतर प्रांतात गणरायाच्या आगमनाबरोबर सुरू होणारा हा सण कोकणी माणसाच्या मनात तसा पावसाळ्याबरोबरच सुरू होतो. आमच्या घरी कोकणात सात दिवस गणपती असतो. सात दिवसांच्या मुक्कामानंतर गणपती बाप्पा आज निरोप घेणार आहेत ह्या भावनेनेच आम्ही भावूक होतो. गणपती बाप्पांच्या आगमनाने संपूर्ण वातावरणच आनंदमय झालेले असते. तरीही बाप्पाला निरोप देण्याची तयारी आम्ही उत्साहाने करतो. बाप्पाच्या विसर्जनाच्या दिवशी आम्ही नैवेद्यासाठी भिरडं बनवतो. भिरड्याचं शास्त्र असं आहे की त्यांचा आकार नमस्कार सारखा असतो. नमस्काराचा नैवेद्य दाखवून आम्ही बाप्पाला निरोप देतो. भिरड्याची रेसिपी मी आज तुमच्या बरोबर शेअर करतेय.

#EB6#W6#विंटर_स्पेशल_रेसिपीज_ebook_Challenge#मटार_उसळ हिवाळ्यात बाजारात सर्वत्र ताजा ताजा हिरवा मटार दाखल होतो..आपण सगळे त्या हिरव्या राशींच्या मोहात नकळत पडतोच हे काही नव्याने सांगायला नको..😀 आणि हिरवा मटार आपल्या स्वयंपाकघरात दिमाखात पावले टाकत विराजमान होतो...आणि मग सुरु होतो मटार महोत्सव.. एक से एक भारी ,खमंग मटार रेसिपीज शिजून आपल्या ताटात समोर येतात तेव्हां..वाह..क्या बात है..😋 असं म्हणत आपण त्यावर अगदी तुटून पडतो..😀काय करणार खाण्यासाठी जन्म आपुला हे ब्रीदच आहे आपलं...😂 याच मटार महोत्सवातील बिना कांदा लसणाची मटार उसळ म्हणजे माझ्यासाठी एक खमंग चविष्ट celebration च जणू...🤩जास्त तामझाम करावा लागत नाही या चवदार मटार उसळीला..चला तर मग सुरु करुया या मटार महोत्सवाच्या खमंग celebration ला..😋

#ASR#कोल्हापूरी_मटण_आणि_वडे#आषाढ_स्पेशल_रेसिपीज

#KS7 महाराष्ट्राचे किचन स्टार : थीम ७ : लॉस्ट रेसिपीज ऑफ महाराष्ट्र साठी दुसरी पाककृती मी सादर करत आहे - "कोळाचे पोहे".सुट्टीत सगळे एकत्र जमले की भेळ, पाणीपुरी असले चटपटीत पदार्थांची रेलचेल असते. जुन्या काळी हे पदार्थ असे सहज मिळत नव्हते. मग तेव्हा आजी नातवंडांना घरातले पदार्थ वापरून चमचमीत असे काही करून खायला द्यायची. त्यातलाच हा एक "कोळाचे पोहे".

#फॅमिली

#KS#किड्स स्पेशल रेसिपी चॅलेंज#पनीर मसालास्पेशल म्हटलं की मग काय खूप पदार्थ असतात. त्यातल्या त्यात माझ्या मुलीची अगदी फेवरेट रेसिपी म्हणजे ही पनीरची भाजी आहे. आणि ती तिला मस्त गरम गरम नान बरोबर खूप आवडते.

#रेसिपीबुक #week2गावाकडची आठवण - माझे माहेर - सासर दोन्ही कोकणातले.मालवणी माणूस अणि मासे यांचे अतूट नाते असले, तरी शाकाहारी जेवणात काळ्या वाटण्याची उसळ/सांबार ओले काजू घालून खास प्रसंगी करतात. त्याबरोबर वडे किंवा आंबोळ्या करतात. आज मी तुम्हाला काळ्या वाटण्याची उसळ रेसीपी देणार आहे.

#cooksnapआपल्या स्वतःच्या झाडावरच्या काजूच्या गऱ्याची भाजी खायला मिळणं म्हणजे भाग्यचं!!😊माझ्या सासऱ्यांनी कोकणातून खास आमच्यासाठी ओले काजू पाठवले ,लगेचच भाजी बनवून मस्त ताव मारला...😋😋माझ्यासाठी ही भाजी म्हणजे खरंच स्वर्गच....😊Thanks To Baba..❤️आज मी , sanskruti हिची ओल्या काजूची उसळ रेसिपी कूकस्नॅप केली आहे.खूपच छान टेस्टी झाली आहे उसळ...😋चव अगदी आम्ही बनवतो तशीच आहे.Thank you dear for this yummy Recipe...😊

#Cooksnap माझी बेस्ट फ्रेंड" माया,," "कूक स्नॅप" साठी तिची डिश निवड केली आहे, " वडे उडीद मुगाचे", ती माझ्यासाठी खूप जवळची आहे,तिला मी माझी मुलीसारखं, बेटी सारखे ट्रीट करते...तीच माझ्या आयुष्यात खूप मोलाचे स्थान आहे,मी भाग्यवान आहे की मला अशी बेस्ट, क्लोज मैत्रीण मिळाली,,,फार कमी लोक असतात की ज्यांना अशी मैत्री लागते..निस्वार्थ ,सहज ,सोज्वळ ,लोबस , भेदभाव नाही ,हृदयातून असलेलं नातं असा आमच आहे,,,,असं नाही की , आमच्या त वादविवाद होत नाही ,मन मुटाव होत नाही, एकमेकांचा राग येत नाही,, हे सर्वांसारखा आमच्या मध्ये पण होते...पण ते फक्त तात्पुरतं क्षणांपुरतं,,,,मनातला एकमेकांशी बोलून आम्ही मोकळे होऊन जातो,,,एकमेकांना रागवला, तरी आम्ही त्याचा राग मानून घेऊन मनामध्ये कुढत बसत नाही,,, तो राग किंवा गिल्ट मनामध्ये ठेवत नाही,,,त्यामुळे आमचे नाते स्वच्छ पारदर्शक आहे,,अशा या मनाने सुंदर असलेल्या मैत्रिणीचे मी "कुक स्नॅप "साठी डिश चॉईस केलेली आहे,,आणि ती डिश तिच्या मनासारखी सुंदर झालेली आहे,अतिशय हे वडे सुंदर झालेले आहेत,, माझ्या मुलांना खूप आवडले,आणि आता हे वडे मी नेहमी करणार,तशी ती खूप चांगली सुगरण, आहे उत्तम गृहिणी आहे ,अन्नपूर्णा आहे, खूप सारे शब्द आहे तिला लागू होतात,,माझ्या या सुगरण मैत्रिणी चे वडे तुम्ही पण करून बघा तुम्हाला पण आवडेल,,,आय लव यू माया🌹♥️😘

#रेसिपीबुक#week2गावाकडच्या बर्‍याच आठवणी कायमच्या मनावर कोरल्या गेल्या आहेत. त्यापैकी वड्याची किंवा सांडग्याची रस्सा भाजी. माझी आजी म्हणजेच आईची आई हीच भाजी आजही अतिशय सुंदर व चमचमीत बनवते.आणि मला आठवते की नागपंचमीच्या दिवशी स्वयंपाक उशिरा करावा लागत असल्यामुळे ती वड्याची भाजी बनवायची कारण ती भाजी झटपट बनवता येते.

#fr उपवासाला हलक फूलक खाल्ले की पित्ताचे त्रास होत नाही म्हणून थंड गुणांचे पित्तशामक केळीआणि काकडी हे मुळ घटक वापरून बनवलेले उपवासाचे काकडी वडे

मी अस्सल कोकणी.आमचे मुळ अन्नच भात आणि मासे.मग ते मासे सुक्के असो वा ओले......वाराला काहीही चालतं.आमच्याकडे कोकणात वाराच्या दिवशी सकाळी न्याहारीला सुद्धा तांदळाची भाकरी आणि सुकट असते.तर अश्या या fish चे नाव puzzle मध्ये पाहिले आणि ठरवले की या आठवड्यातील माझी रेसिपी मी तुमच्यासोबत shear करणार ती म्हणजे "पापलेट फ्राय आणि कढी

#लंच#चवळीभाजीमी दर शनिवारी कुठल्या ना कुठल्या प्रकारची उसळ करतेच, तशी आज मी चवळीची उसळ बनविली आहे. मी भाजलेल्या कांदा खोबऱ्याचे वाटण आठवडाभरासाठी करून ठेवते त्यामुळे कोणतीही उसळ करायची

#रेसिपीबुक #week14अळूवडीमी आज आपल्या कूकपॅडवरची मैत्रीण प्राजक्ता पाटील हिची अळूवडीची रेसिपी जी मी बरेच दिवस शोधत होती ती खोबऱ्याची अळूवडी म्हणजेच ओले खोबरे घालून केलेली अळूवडी केली, अफलातून चव, या अळूवड्या जास्त कुरकुरीत नाही होत कारण त्यात खोबरे व दालचिनी, लवंग, खसखस हे मसाले घालून वाटण केलेले बेसनमध्ये घातले आहे. तुम्हीही करून बघा, मस्तच झालीय.... मला तर खूपच आवडली.

#आई

#cfकोंकण म्हणजे स्वर्ग आणि त्याच कोंकणातील रानमेवा खायला मिळणे म्हणजे भाग्यच....कोंकणात आंबा, काजू, फणस याचे उत्पादन मोठ्या प्रमाणात होते. फेब्रुवारी मार्च आला की ओले काजू यायला लागतात. ओले काजू सोलताना त्याचा चीक हाताला लागून हात खराब होतात.... पण बोलतात ना कुछ पाने के लिये कुछ खोना पडता है!!... तसंच काहीसं..चवच एवढी भारी असते की हाथ खराब झाले तरी बेहत्तर☺या काजूच्या उसळ सोबत तांदळाची भाकरी...वाह....लायभरी😊नॉनव्हेज डिश ला पण मागे काढेल अशी ही कोंकणी डिश.आज मी ही मालवणी रेसिपी बनवली आहे... माझ्या आईने गावावरून पाठवल्या काजूची.....😊😊😊

#मकर#मकर संक्रांत स्पेशल भोगीची भाजीमकर संक्रांतीचा आदला दिवस म्हणजे भोगी. या दिवशी सर्व भाज्या, शेंगा, वांगी घालून भोगीची भाजी बनवली जाते. ही भाजी बाजरीची तीळ लावून केलेली भाकरीबरोबर खाल्ली जाते.

#BKRया दिवसांमध्ये ओले काजू अतिशय छान मिळतात व त्याची उसळ सुंदर लागते

#पश्चिम #गोवागोव्याला मये या गावात आमची कुलदेवी आहे, त्यामुळे कधीतरी गोव्याला जाणे होतेच. तिथे गेल्यावर मग मांसाहारी खादाडी करण्यासाठी जायचो. तिथले ते मांसाहारी जेवण इतके अप्रतिम असे की आम्ही जेवढे दिवस तिथे राहायचो त्यातला एक देवीच्या दर्शनाचा दिवस सोडला तर रोज मांसाहारी जेवणावर आडवा हात मारायचो. मग तिथले ते माश्यांचे प्रकार आणि चव जिभेवर बरेच दिवस रेंगाळत रहायची. त्यातलाच हा एक प्रकार मी तिथे चाखला होता आणि काय ते हिरवी चटणी भरलेलं पापलेट फ्राय अगदी भरपेट खाल्लं होतं आणि तीच चव मी आजच्या या रेसिपीत आणायचा प्रयत्न केला. त्या हिरव्या चटणीची चव पापलेटबरोबर इतकी अप्रतिम लागते, तुम्हीही करून बघा दिवाने व्हाल......

#cr # कॉम्बो रेसिपी. कोंबडी वडे हा की वर्ड घेऊन भाजणी वडे आणि वाटाण्याची उसळ केली आहे. भाजणी चे वडे आणि काळा वाटाणा उसळ ही कोकणी पारंपरिक डीश आहे. कोणत्याही सणावाराला, लग्नसमारंभाला पूर्वी हाच मेनू असायचा. अर्थात आता आमचे कोकण बदलले आहे. पण तरीही कोकणचा हा मेनू आजही अत्यंत लोकप्रिय आहे. चला तर पाहुया भाजणीचे वडे आणि काळ्या वाटाण्याची उसळ.