प्रथम चित्रात दाखविल्याप्रमाणे सगळे साहित्य घ्यावे. आता दुधात व्हिनेगर टाकून चांगले मिक्स करून ते दहा मिनिटे तसेच ठेवावे.आता एका वाटी मध्ये मैदा घेऊन त्यात पिठीसाखर, बेकिंग सोडा, बेकिंग पावडर आणि मीठ घालावे. नंतर सेट झालेले दूध आणि बटर घालून पीठ मळून घ्यावे. मळलेले पीठ १०-१५ मिनिटे झाकून ठेवावे. फिलींग बनवण्यासाठी साखर, दालचिनी पावडर आणि बटर एका बाउल मध्ये व्यवस्थित मिक्स करून घ्यावे.

आता मळलेले पीठ पुन्हा नीट मळून घ्यावे, आणि आयताकार लाटून घ्यावे. त्यावर तयार साखर, दालचिनी व बटरचे मिश्रण एक सारखे पसरवून घ्यावे.आता त्याला बुक फोल्ड करून व थोडे लाटून समान सहा भागांमध्ये कट करावे. एक भाग घेऊन त्याला तीन काप द्यावे व वेणीच्या आकाराने तयार करावे. वेणी तयार झाल्यानंतर त्याचे दोन्ही टोक जोडून घ्यावे व गोलाकार करावे.

एका जाड बुडाच्या भांड्यात मीठ टाकून त्यावर स्टॅन्ड ठेवून एक प्लेट ठेवावी. झाकण ठेवून १० मिनिटे प्रिहीट करून घ्यावे. तयार केलेले रोल्आस कप केकच्या मोल्ड मध्ये ठेवून ते एका बाऊलमध्ये ठेवावे व ते वाटी प्रिहीट केलेल्या भांड्यात ठेवावा. वरून झाकण लावावे. 15 ते 20 मिनिटे बेक करून घ्या. तयार झाल्यावर वरून बटर लावा आणि गरम गरम सिनॅमन रोल्स तय्यार!!!