प्रथम एका भांड्यात गव्हाच पीठ, बेकिंग सोडा, कोको पावडर, किंचित मीठ व पावडर शुगर चाळून घेणे. मग दुसऱ्या भांड्यात सगळे ओले पदार्थ एकत्र करून मिश्रण करून घेणे. मग त्यात वरील ड्राय पदार्थ मिक्स करणे व बॅटर करून घेणे. मग एका मोठ्या कढईत मीठ घालून वर एक छोटी डिश ठेवणे व मोठ्या गॅस वर कढई प्रि हिट करून घेणे. मग कप केक पॅनला ग्रीस करून घेणे व त्यात तयार केलेले बॅटर घालणे. व कप केक बेक करायला ठेवणे. वरती झाकण ठेवणे.

मफिन मोठ्या गॅसवर १० मिनिटे बेक झाल्यावर मिडीयम गॅस वर २०/२५ मिनिटे बेक करणे. दुसऱ्या बाजूला फ्रोस्टिंगची तयारी करणे.त्यासाठी एका भांड्यात १/२ कप हेवी व्हीपिग क्रीम गरम व्हायला ठेवणे. गॅस कमी ठेवावा. मग त्यात चॉकलेटचे तुकडे टाकावेत व चॉकलेट गनाज करून घ्यावे. मग अर्धे गनाज फ्रीज मध्ये ठेवावे व अर्धे गनाज कप केक थंड झाल्यावर त्यावर घालावे.

मग दुसऱ्या भांड्यात १/४ हेवी व्हीपिग क्रीम घ्यावे व गरम व्हायला ठेवावे. मग त्यात व्हाइट चॉकलेटचे २ ब्लॉक्स घालावेत व व्हाइट गनाज करून घ्यावे. मग डार्क चॉकलेट चे गनाज घातलेले कप केक फ्रिझर मध्ये २० मिनिटे सेट करायला ठेवावे. मग अर्धे फ्रीज मधील चॉकलेट गनाज बाहेर काढून त्यात थोडे व्हिपिंग क्रीम घालावे व व्हीप करावे. २० मिनिटांनी कप केक बाहेर काढून त्यावर तयार केलेले चॉकलेट व्हीप क्रीम घालावे व ३० मिनिटे फ्रीझर मध्ये सेट व्हायला ठेवावे.

मग थोड्या चॉकलेट गनाज मध्ये चेरीस डीप कराव्यात व फ्रीज मध्ये सेट व्हायला ठेवाव्यात. दुसऱ्या बाजूला डबल बॉयलर वर डार्क चॉकलेट चे ब्लॉक्स मेलट करायला ठेवावे व त्याचे हार्टच्या आकाराची चॉकलेट करून घ्यावीत. तीही फ्रीज मध्ये सेट व्हायला ठेवावीत.